Штотыднёвая грамадска-асветнiцкая газета
Выдаецца з кастрычнiка 1991 года
“Паляна гультаяватых дубоў”, або Незвычайнае ў звычайным
У мінскім Палацы мастацтва працуе вялікая выстаўка работ творчага аб’яднання “Верасень” Беларускага саюза мастакоў, прысвечаная 20годдзю яго заснавання. Так, уся гісторыя “Верасня” ўкладваецца ў гэты невялікі тэрмін.
“Залаты” кастрычнік
Учора адбылося ўрачыстае адкрыццё ХІ Міжнароднага музычнага фестывалю “Залаты шлягер-2009 у Магілёве”. Але ўжо напярэдадні, акурат у Дзень музыкі, заззяла “Залатое сэрца”: канцэрт памяці Міхаіла Таніча, падрыхтаваны і праведзены Нацыянальным канцэртным аркестрам Беларусі пад кіраўніцтвам народнага артыста краіны, прафесара Міхаіла Фінберга.
Вярнуць гораду душу
1 верасня мост праз Свіслач быў здадзены ў эксплуатацыю. Насуперак задуме архітэктара, інжынерны аб’ект не займеў эстэтычны складнік. Барэльефаў Аляксандра Фінскага або якога-кольвечы іншага мастацкага аздаблення там не ўбачыш. Мост, які злучае два берагі ракі, не стаў мостам паміж Менескам і Мінскам. Адпаведна, новай адметнасці — хай сабе “камернай”, някідкай, але ўсё ж прыцягальнай для вока і розуму — у горадзе не з’явілася. Саму кампазіцыю сёння можна ўбачыць толькі ў памяшканні Скульптурнага камбіната. Барэльефы і ўстаўкі зроблены ў гліне — матэрыяле нетрывалым. Аляксандр Фінскі вельмі баіцца, што яны ў любы момант могуць патрэскацца. Без сумневу, тая шчыліна пройдзе і праз сэрца скульптара.
Найпрыгажэйшае “Cлова пра Беларусь”
Дык што такое прыгажосць? Нагода задумацца над гэтым папраўдзе філасофскім пытаннем чарговы раз узнікла пад час правядзення ў Мінску Міжнароднага конкурсу прыгажосці “Міс Інтэркантыненталь-2009”. Тым больш, што трансляцыю з Футбольнага манежа, дзе адбываўся фінал конкурсу, можна было без перабольшвання назваць “прыгажосцю ў кубе”. Яна ўражвала не толькі чароўнасцю дзяўчат з усіх куткоў свету, але і разнастайнасцю канцэртнай праграмы, што ўключала выступленні знаных зорак, відовішчнасцю, прыемнымі сюрпрызамі, сярод якіх была водная феерыя, спалучэннем грандыёзнасці маштабаў і чалавечай цеплыні. А галоўнае — магутнасцю самой арганізацыі гэтага шмат у чым унікальнага шоу. “Па-за кадрам”, як заўсёды, засталася вялікая праца па яго падрыхтоўцы і правядзенні. Яе сакрэты нам прыадкрыла выканаўчы прадзюсер АНТ Анжаліна МІКУЛЬСКАЯ.
Але раптам Пушча ўзрывалася...
Сёння — 3 кастрычніка — Белавежская пушча святкуе 600-годдзе ўстанаўлення запаведнага рэжыму. Гісторыя славутага цягам стагоддзяў ляснога масіву складаецца з незвычайных і драматычных падзей, пра якія неаднойчы пісалі гісторыкі, журналісты і даследчыкі. Але ж ёсць сярод жыццёвага летапісу запаведнага лесу і малавядомыя старонкі. Менавіта да іх “К” і паспрабавала звярнуцца ў гэтыя дні. Аб’ектам увагі нашага карэспандэнта абраны перыяд Вялікай Айчыннай вайны, калі Белавежская пушча знаходзілася пад варожай акупацыяй. Што пагражала славутаму лясному масіву і ці ўдалося выйсці Пушчы да Перамогі без страт? На гэтыя пытанні мы і паспрабавалі знайсці адказы.
Сайт переехал на новый адрес – kultura-info.by

Новы нумар

Рэдакцыйна-выдавецкая ўстанова
"Культура і мастацтва"

© 2007 - 2024 «Культура». Зроблена ў «Вэбпрофі»