Штуршком для ўзнікнення задумы "Масакры" стала знакамітая навела французскага пісьменніка Праспера Мэрымэ "Локіс", але дзея перанесена ў часы паўстання Кастуся Каліноўскага, а да асноўнага сюжэта дададзены і іншыя сцэнарныя лініі. Па словах самога рэжысёра, для якога "Масакра" ўжо чацвёртая поўнаметражная карціна, у стужцы будуць шырока ўжывацца элементы беларускага фальклору, прыме ўдзел шэраг айчынных і расійскіх акцёраў ды проста людзей мастацтва. Дарэчы, адну з галоўных роляў у "Масакры" выконвае калега Кудзіненкі па рэжысёрскім цэху - Аляксандр Колбышаў. Здымае стужку расійскі аператар Аляксей Убейволк.
Антон СІДАРЭНКА
Фота Аляксандра ДЗМІТРЫЕВА