А.Савіч. "Мост надзей". |
Тут, як у пчаліным вулеі, віруе і жыве мастацкая праца, менавіта тут можна паразважаць над тым, для чаго патрэбны кожнаму чалавеку "два метры мастацтва". Захапляльныя смелыя рухі графічнага пэндзля заглыбляюць у патаемныя сферы жывапіснага свету, выяўляюць дынаміку нястомнага пошуку, творчага закліку. У ім мастацкі выбух энергіі ператвараецца ў форму магічнага заклінання. Малады мастак смела і рашуча ўзыходзіць да гарызонтаў як кніжнай (альбомы, прысвечаныя творчасці В.Лагоўскага і М.Селешчука), так і станковай графікі, малой пластыкі. Але ж менавіта "Два метры мастацтва" дапамагаюць яму наблізіцца да роднай Беларусі. Магчыма для таго, каб беларускае мастацтва чарговы раз заўважылі не толькі на радзіме, але і ў іншых краінах свету.
Юрась МАЛАШ