На выстаўцы экспануюцца паштоўкі, паштовыя карткі, адкрытыя лісты, што зваліся франтавымі. На адваротным баку некаторых паштовых картак можна прачытаць кранальныя, напоўненыя простымі чалавечымі пачуццямі, тэксты. Паштоўкі, прадстаўленыя на выстаўцы, выпушчаны, у асноўным, у 1942 - 1943 гадах у гарадах, не занятых фашысцкімі акупантамі. Ёсць асобнікі, датаваныя першымі месяцамі Вялікай Айчыннай вайны, а таксама пераможнымі месяцамі 1945-га. Несумненны інтарэс выклікаюць так званыя літаратурна-музычныя паштоўкі, дзе друкаваліся тэксты франтавых і лірычных песень, вельмі часта - з нотамі. Апрача гэтага, у межах святкавання 65годдзя вызвалення Беларусі ад нямецка-фашысцкіх захопнікаў у філіяле "Дом-музей I з'езда РСДРП" сумесна з пошукавым атрадам "Віккру-Мінск", за 15 гадоў дзейнасці якога былі вызначаны імёны звыш чатырох тысяч чырвонаармейцаў, будзе аказвацца дапамога ўсім жадаючым у пошуку інфармацыі пра салдат, якія загінулі ў Вялікую Айчынную.