Фестываль "Magnificat" праводзіцца штогод у другой палове чэрвеня менавіта на Глыбоччыне пад патранажам Канферэнцыі Каталіцкіх Епіскапаў у Беларусі. Яго арганізатарам традыцыйна выступае Каталіцкая асацыяцыя для камунікацый "SIGNIS-БЕЛАРУСЬ" і ўлады Глыбоччыны і Віцебшчыны. Як паведамляюць арганізатары, фестываль мае дзве сістэмы прызоў, кожная з якіх арыентавана на шырокую ацэнку. Акрамя прызоў журы, якое ў гэтым годзе ўзначаліць выкладчык Маскоўскага дзяржаўнага універсітэта, ураджэнец Беларусі Віктар Хруль, свае ўзнагароды для ўдзельнікаў падрыхтавалі Віцебскі аблвыканкам, Глыбоцкі райвыканкам, Каталіцкая асацыяцыя для камунікацый, кангрэгацыя айцоўфранцысканцаў, а таксама прадстаўнікі з падобнага па накіраванасці фестывалю, што праводзіцца ў польскім горадзе Непокалянуве.
С.А.