Як адзначыў намеснік дырэктара Мемарыяльнага комплексу "Хатынь" Андрэй Дашукевіч, дзяржава, нягледзячы на не надта спрыяльныя эканамічныя ўмовы, ніколі не забываецца на фінансаванне двух згаданых аб'ектаў. На самім Кургане славы, які знаходзіцца ў падпарадкаванні дырэкцыі "Хатыні", і вакол яго ўладкавана на сёння газонапалівальная сістэма. Зроблена добраўпарадкаванне прылеглай тэрыторыі. 3 ліпеня, у Дзень Незалежнасці Беларусі, тут пройдуць буйныя мерапрыемствы з нагоды 65-годдзя вызвалення краіны ад нямецка-фашысцкіх захопнікаў. У Мемарыяльным комплексе "Хатынь" завершана рэканструкцыя электрасеткі. Рыхтуецца праектна-каштарысная дакументацыя на замену водаправода і каналізацыі. Работы плануецца распачаць у самы бліжэйшы час. У адміністрацыйным будынку з'явіліся новыя камп'ютэрная і аргтэхніка, мэбля. Наведвальнікі Мемарыяльнага комплексу могуць набыць тут друкаваныя выданні, у прыватнасці, зборнік дакументаў "Хатынь. Трагедыя і памяць", а таксама сувенірную прадукцыю, выпушчаную, у тым ліку, і з нагоды 40-годдзя "Хатыні" і Кургана славы.