 |
"Гамбургер" з баек уласнага сачынення і анекдатычных сітуацый прапанавалі членам клуба Уладзімір Гушча з Веляміцкага і Васіль Яхнавец са Стружскага СДК. А Таісія Платніцкая з Дубайскага і Варвара Белавус са Стружскага СДК выканалі прыпеўкі і байкі. Народны драматычны тэатр "Пагарынне" Столінскага ГДК паказаў урывак з новай п'есы "Як было ў нас..."
Закончылася пасяджэнне віншаваннем. Начальнік аддзела культуры Васіль Заруба, старшыня райкама прафсаюза работнікаў культуры Людміла Пуляк, усе калегі ўшанавалі дырэктара Плотніцкага СДК Станіславу Валанцэвіч з юбілеем. Усё сваё жыццё Станіслава Васільеўна шчыравала на культурнай ніве. Яе ўстанова культуры - у ліку лепшых на Століншчыне. А сама юбілярка не ўяўляе сябе на іншым месцы і нават у вольны час прыходзіць у СДК, каб паспяваць для душы.
Галіна ГАШЧУК Столін
На здымку: дырэктар Плотніцкага СДК Станіслава Валанцэвіч прымае віншаванні ад начальніка аддзела культуры Столінскага райвыканкама Васіля Зарубы.
Фота аўтара