Фільм зняты на Нацыянальнай кінастудыі "Беларусьфільм" рэжысёрам Рэнатай Грыцковай. Чакаецца, што стужку прадставіць творчая група на чале з выканаўцам галоўнай ролі, народным артыстам СССР і Украіны Багданам Ступкай. Як лічыць рэжысёр, назва стужкі цалкам адпавядае ідэйнаму зместу карціны. "Іnsight" у перакладзе з англійскай мовы - "пранікненне ў сутнасць нейкай сітуацыі або справы". Беларускі "Інсайт" - гэта сучасная драма пра жанчыну. Ролю Ганны выконвае народная артыстка Расіі Ірына Разанава, а ролю пацыента - старога, якому засталося жыць некалькі месяцаў, - Багдан Ступка. Астатнія ролі выканалі беларускія акцёры Уладзімір Мішчанчук, Анатоль Цярпіцкі, Аксана Лясная, Вольга Няфёдава, а таксама Вольга Іванова і Аляксей Шэдзько, якія іграюць галоўных герояў у рэтра-сцэнах.
С.А.