Як адзначыў фотамастак, у сціслы тэрмін было зроблена больш за тры тысячы здымкаў, якія адлюстроўваюць багацце і адметнасць экспазіцый мінскіх музеяў. Акрамя гэтага, у кнізе прадстаўлена інфармацыя як пра развіццё музейнай справы ў сталіцы, так і непасрэдна аб кожнай асобнай установе. Кніга падзелена на раздзелы, што прысвечаны музеям па профілях калекцый: гістарычным, ваеннай гісторыі, мастацкім, музеям пад адкрытым небам, літаратурным, прыроды, спорту. Сярод іх ёсць і малазнаёмыя аматарам культуры, заснаваныя пэўнымі міністэрствамі або прадпрыемствамі: музей гісторыі дарожнай гаспадаркі, музей Міністэрства ўнутраных спраў, музей пажарнай і аварыйна-выратавальнай справы.
З фотаальбомам цікава будзе пазнаёміцца і замежным турыстам, для якіх адмыслова зроблены пераклад на англійскую мову.
Дарэчы, па словах Пятра Кастрамы, у перспектыве варта было б пашырыць фотаальбом за кошт уключэння звестак і ілюстрацый па калекцыях некаторых ведамасных музеяў.
К.А.