Уладальнікамі галоўных прызоў, да прыкладу, сталі: за асабісты ўклад у фарміраванне пераемнасці пакаленняў, патрыятызм, умацаванне нацыянальных традыцый — жыхарка вёскі Раманаўка Стаўпнянскага сельсавета, носьбіт традыцыйнай беларускай культуры (народных песень, танцаў, абрадаў) Надзея Швед; за асабісты ўклад у развіццё духоўнасці, эстэтыкі быцця — сям’я Ніны і Дзмітрыя Чарнецкіх з пасёлка Беліцк; за асабістую мужнасць і прыклад жыццялюбства — выкладчык дзіцячай школы мастацтваў горада Рагачова, інвалід па зроку Уладзімір Пісарэнка ды іншыя.
Сярод лаўрэатаў спецыяльных прызоў цырымоніі “Залаты Рог-2008”: метадыст раённага арганізацыйна-метадычнага цэнтра Ніна Дупеенка — за арганізацыю і правядзенне праграмы, прысвечанай 100-годдзю з дня смерці У.Кігна-Дзедлава; дырэктар раённай цэнтралізаванай бібліятэчнай сістэмы Клаўдзія Савельева — за арганізацыю і правядзенне Кігнаўскіх чытанняў; клуб ветэранаў працы ГД (старшыня — Людміла Кабылянец) — за актыўны лад жыцця, паездкі з канцэртамі ў аддаленыя населеныя пункты раёна, уменне арганізоўваць свой вольны час і за ўдзел ва ўсіх мерапрыемствах, якія праводзяцца ў горадзе...
Завяршылася мерапрыемства канцэртам і сюрпрызам — святочным феерверкам на сцэне.
Міхась КАВАЛЁЎ
Рагачоў