 |
Стваральнікі серыі фільмаў прадставяць гледачам архівы, фотаздымкі, дакументы. Многія з іх былі дагэтуль вядомы толькі спецыялістам. Журналісты змаглі пабываць на шахтах срэбра і медзі, якія яшчэ ў ХІХ стагоддзі былі знойдзены нашым суайчыннікам.
Таксама здымачная група Першага канала адшукала нашчадкаў Ігнація Дамейкі, пазнаёмілася з праўнукамі вучонага, зазірнула ў дом, размешчаны ў Санцьяга, дзе жыў знакаміты беларус.
Як вядома, на Беларусі, непадалёк ад Міра, захаваўся фундамент маёнтка, дзе нарадзіўся Дамейка. Праўнук нашага земляка — Пабла Дамейка Перэс наведаў радзіму свайго продка некалькі гадоў таму. Ён быў уражаны тым, як пейзаж на малюнку Ігнація Дамейкі дакладна супаў з убачаным у наваколлях Міра.
Серыя фільмаў пра слыннага сына беларускай зямлі Ігнація Дамейку будзе дэманстравацца на Першым канале з 27 па 30 студзеня.
Паводле паведамлення прэс-службы
Белтэлерадыёкампаніі