Пастамент помніка, аўтарамі якога з’яўляюцца вядомыя беларускія скульптары Леў і Сяргей Гумілеўскія, выкананы ў выглядзе тэатральнай заслоны з кавалка граніту, на якім усталяваны бронзавы бюст драматурга. 
Акрамя таго, у Магілёўскім абласным тэатры драмы і камедыі ў Бабруйску адкрылася фотавыстаўка “Спасцігаючы Вінцэнта Дуніна-Марцінкевіча”, у экспазіцыі якой прадстаўлена больш за 50 здымкаў Аляксандра Ліціна, зробленых пад час вандровак па мясцінах, звязаных з жыццём і творчасцю пісьменніка.
Акрамя таго, прадстаўлены і архіўныя матэрыялы, графіка. Кожны з 10 раздзелаў выстаўкі суправаджаецца тэкставым тлумачэннем.
Пасля Бабруйска перасоўную фотавыстаўку цягам наступнага года плануецца паказаць ва ўсіх раёнах Магілёўшчыны, а таксама абласных цэнтрах Беларусі.
Дарэчы, у сталічным Палацы мастацтва 10 снежня адкрываецца Рэспубліканская выстаўка “Дудар беларускі”, прымеркаваная да 200-годдзя класіка айчыннага слова.
Ул. інф.
Падрабязна пра Міжнародны фестываль нацыянальнай драматургіі імя В.Дуніна-Марцінкевіча чытайце ў бліжэйшых нумарах “К”.