14 верасня адбылася чарговая апаратная нарада міністра культуры Рэспублікі Беларусь Анатолія Маркевіча з начальнікамі ўпраўленняў і аддзелаў міністэрства. З дапамогай сродкаў відэасувязі ўдзел у нарадзе прынялі таксама начальнікі ўпраўленняў культуры абласных выканаўчых камітэтаў.
Асноўная ўвага была нададзеная арганізацыі мерапрыемстваў у рэгіёнах, звязаных з адзначэннем 17 верасня Дня народнага адзінства. У Бярозе Брэсцкай вобласці ў гэты дзень адбылося ўрачыстае адкрыццё абноўленага мемарыяла на месцы канцэнтрацыйнага лагера, які дзейнічаў у 1934–1939 гадах, а таксама прысвечанай гісторыі гэтага месца музейнай экспазіцыі ў адным з колішніх лагерных будынкаў. У Гродне на Кургане Славы прайшоў мітынг з закладкай памятнай капсулы са зваротам да нашчадкаў. У Магілёве ў цэнтры горада адбылося ўрачыстае адкрыццё плошчы Народнага адзінства. Таксама святочныя мерапрыемствы прайшлі і ў іншых абласцях ды раёнах краіны.
Таксама стала вядома, што нацыянальная кінастудыя “Беларусьфільм” рыхтуецца да стварэння мастацкага фільма пад працоўнай назвай “Мы адзіныя”, прысвечанага падзеям уз’яднання Заходняй і Усходняй Беларусі. Першая версія сцэнарыя стужкі мусіць быць падрыхтаваная да канца верасня. Аўтарскай групе аказваюць дапамогу гістарычнымі кансультацыямі супрацоўнікі Інстытута гісторыі Нацыянальнай акадэміі навук, а таксама Беларускага дзяржаўнага ўніверсітэта. Мяркуецца, што здымкі фільма адбудуцца ўлетку 2022 года.