У розных кутках нашай краіны доўжыцца работа па ўключэнню гісторыка-культурных каштоўнасцяў у сучасны кантэкст.
Працягваецца маштабнае аднаўленне Старога замка ў Гродне. Дзверы галоўнай экспазіцыі жамчужыны гісторыі краіны плануецца адкрыць для наведвальнікаў ужо летам. Днямі побач з Гальшанскім замкам, дзе таксама працягваецца рэканструкцыя з аднаўленнем, адчыніўся візіт-цэнтр.
А вось яшчэ адна актуальная навіна.
29 студзеня Савет Міністраў зацвердзіў Дзяржаўную праграму “Культура Беларусі” на 2021 — 2025 гады. На яе рэалізацыю выдаткаваны немалыя сродкі — 4 млрд. беларускіх рублёў. Дакумент прыняты “ў мэтах стварэння ўмоў для эфектыўнага функцыянавання сеткі арганізацый культуры і актыўнага ўключэння грамадзян Беларусі ў культурнае жыццё краіны”.
Дзяржпраграма мае пяць падпраграм: “Культурная спадчына”, “Мастацтва і творчасць”, “Функцыянаванне і інфраструктура сферы культуры”, “Беларусы ў свеце”, “Архівы Беларусі”.
Сапраўды, вялікая гісторыя краіны спасцігаецца і праз багацце яе культуры. Пра тое распавядаюць матэрыялы нумара. Пра тое мы распавядзем і ў наступных нумарах.