1 кастрычніка — дабрачынны канцэрт «Класіка для ўсіх»
1 кастрычніка адбудзецца дабрачынны канцэрт педагогаў Музычнай школы АртГранд “Класіка для ўсіх” у рамках праекта “Музыка ацаляе”. У праграме — вядомыя творы Баха, Бетховена, Шапэна, Радрыга і іншых кампазітараў у выкананні салістаў Белдзяржфілармоніі, лаўрэатаў міжнародных конкурсаў.
Арганізатары — Музычная школа АртГранд і адна з крамаў музычных інструментаў у Мінску. Месца правядзення: ГЦ “Замак”, пачатак — у 18.00, уваход — вольны. Мерапрыемства разлічана для дарослых і дзяцей ад 6 гадоў.
2 кастрычніка — Гранд-івэнт «Натхненне»: класіка step by step
Лепшыя творы класічнай музыкі ў выкананні лаўрэатаў шматлікіх міжнародных конкурсаў, прэзентацыя новай сістэмы музычнай адукацыі ў Беларусі, воркшоп з педагогамі, знаёмства з рознымі музычнымі інструментамі, аўтограф-сесіі і тэматычная фотозона — такую насычаную праграму падрыхтавалі для гледачоў педагогі Музычнай школы АртГранд.
На гранд-эвенты “Натхненне” вы зразумееце: музычная адукацыя зараз стала прасцей, цікавей і больш даступнай! Новая сістэма — гэта сучасныя методыкі выкладання, свежы погляд на вывучэнне класічнай музыкі, камфортнае і эфектыўнае вывучэнне музычных дысцыплін.
Арганізатар — Музычная школа АртГранд. Месца правядзення: Малая зала імя Р.Шырмы Беларускай дзяржаўнай філармоніі, пачатак — у 19.00. Мерапрыемства разлічана для дарослых і дзяцей ад 6 гадоў.
3 кастрычніка — Дзень адчыненых дзвярэй Музычнай школы АртГранд
Напярэдадні прафесійнага свята — Дня настаўніка — Музычная школа АртГранд адкрые свае дзверы для ўсіх, хто любіць музыку! У гэты дзень вас чакае знаёмства з рознымі музычнымі інструментамі, зносіны з аднадумцамі і майстар-класы, а таксама магчымасць “прымяраць” на сябе ролю піяніста, скрыпача або опернага спевака пад чулым кіраўніцтвам педагогаў школы АртГранд. Акрамя таго, для юных гасцей і іх бацькоў будуць праведзены міні-кансультацыі і інтэрактыў з конкурсамі і падарункамі.
Арганізатар — Музычная школа АртГранд. Месца правядзення: вул. Ракаўская, 16а, час правядзення — з 11.00 да 14.00, уваход — вольны. Мерапрыемства разлічана для дзяцей ад 2 гадоў і іх бацькоў.
4 кастрычніка — Дзень нараджэння АртГранд
4 кастрычніка Установа дадатковай адукацыі дзяцей і моладзі “Музычная школа Арцёма Шаплыкі” адзначае свой Дзень нараджэння! Вядома, што адзначаць гэтае свята лепш за ўсё ў коле сяброў, таму 4 кастрычніка на сцэне Белдзяржфілармоніі збяруцца аматары музыкі ўсіх узростаў — ад 3 да 84 гадоў! У канцэрце прымуць удзел запрошаныя госці — выпускнікі школы АртГранд 2018 — 2020 гадоў, а таксама сябры і партнёры школы з Беларусі і замежжа.
У праграме канцэрта — любімыя творы класічнай акадэмічнай музыкі (Бах, Бетховен, Гайдн, Моцарт, Шапэн, Шуман і іншыя кампазітары), а таксама сучасныя кампазіцыі і музыка з кінафільмаў. Выканаўцы — вучні класічнага і эстраднага аддзяленняў Музычнай школы АртГранд: лаўрэаты міжнародных конкурсаў, праграмісты, прадпрымальнікі, дзеці-вундэркінды і ўсе, хто проста любіць музыку.
Арганізатар — Музычная школа АртГранд. Месца правядзення: Малая зала імя Р.Шырмы Беларускай дзяржаўнай філармоніі, пачатак — у 16.00. Мерапрыемства разлічана для дарослых і дзяцей ад 3 гадоў.
Нелішне будзе дадаць, што класічная музыка ў жывым выкананні — выдатны спосаб адпачыць ад працоўных будняў, расслабіцца і здабыць новыя сілы, а таксама зірнуць на звыклыя рэчы па-новаму. Далучайцеся!
Паводле інфармацыі сайта artgrand.by.