Нацыянальная прэмія ў галіне выяўленчага мастацтва праходзіць не першы раз, з’яўляецца найважнейшым стымулам у развіцці гэтага віду мастацтва Беларусі, прызначана для любога мастака, аматара і прафесіянала. Камісіяй будзе адабрана па дзесяць работ у кожнай намінацыі для ўдзелу ў Рэспубліканскай выставе сучаснага выяўленчага мастацтва. Па выніках адкрытага прагляду і ацэнкі конкурсных матэрыялаў журы вызначыць пераможцаў.
Ініцыятарам конкурсу з’яўляецца Міністэрства культуры Рэспублікі Беларусь. Дырэкцыяй конкурсу вызначаны Нацыянальны гістарычны музей Рэспублікі Беларусь.
Прэмія праводзіцца па дзесяці намінацыях: “Жывапіс”; “Графіка”; “Скульптура”; “Дызайн”; “Актуальнае мастацтва” (арт-аб’ект, інсталяцыя); “Мастацкая фатаграфія”; “Манументальнае і манументальна-дэкаратыўнае мастацтва”; “Дэкаратыўна-прыкладное мастацтва”; “Мастацтвазнаўства і крытыка”; “Творчы дэбют”.
Для ўдзелу ў конкурсе неабходна да 15.02.2020 года накіраваць заяўку на электронны адрас: info@histmuseum.by (c тэмай ліста “Нацыянальная прэмія ў галіне выяўленчага мастацтва”).