Сярод экспанатаў — гравюры XVII стагоддзя фламандскага мастака, друкара і гравёра Дамініка Кусто з адлюстраваннем прадстаўнікоў роду Радзівілаў; работы XVIII стагоддзя варшаўскага гравёра Готліба Якаба Марсталера; аўтографы Напалеона Банапарта, Льва Сапегі, Аўгуста Моцнага; фотаздымкі польскага і беларускага фатографа італьянскага паходжання Тэафіла Эўгеніуша Барэцці, якім каля 130 гадоў, з выявамі Завосся (радзімы Адама Міцкевіча), Нясвіжа і Нясвіжскага замка; кнігі па гісторыі Віцебшчыны…
Пётр Краўчанка зацікавіўся калекцыяніраваннем у 1970-х. Паўплывалі на яго ў гэтым плане беларускія пісьменнікі Барыс Сачанка і Максім Лужанін, якія самі былі адданымі калекцыянерамі.
Выстава называецца “З Беларуссю ў сэрцы”.