У нядзелю ў 12.30 радыёслухачы праграмы “Вялікая студыя” атрымаюць рэдкую магчымасць пазнаёміцца з творчасцю сучаснага іспанскага кампазітара, капельмайстра кафедральнага сабору ў Кордаве Клементэ Мата. Каталіцкі храм у гонар Успення Панны Марыі пабудаваны на месцы старажытнай хрысціянскай базілікі Сан-Вінсэнтэ ў цэнтры Андалузіі.
Клементэ Мата напісаў творы, якія гучаць падчас набажэнстваў у храме, а таксама выконваліся ў Ватыкане перад Папам Рымскім. Гэтыя творы і інтэрв’ю з маэстра пачуюць слухачы канала “Культура” ў святочную нядзелю.
Па матэрыялах Прэс-службы Белтэлерадыёкампаніі