Скульптуру заказалі полацкія работнікі гандлю, і зроблена яна за іх грошы ў памяць пра тое, што спрадвеку Полацк быў цэнтрам, дзе жылі рамеснікі і купцы. Пра гэта распавёў першы намеснік старшыні Полацкага гарвыканкама Сяргей Куксаў. Сапраўды, у Полацку было зручна займацца гандлем, паколькі горад размясціўся на рацэ. Вядома, што праз беларускія землі, у тым ліку і праз Полацк (па Заходняй Дзвіне), праходзіў буйны водны шлях “з варагаў у грэкі”.
Пра гандлёвыя сувязі Полацка з Візантыяй, Арабскім халіфатам і германскімі гарадамі сведчаць шматлікія скарбы з манетамі гэтых краін, знойдзеныя на Полацкай зямлі. Стварыў статую полацкаму купцу мінскі скульптар Аляксандр Прохараў, аўтар помніка Усяславу Чарадзею ў старажытным беларускім горадзе.
Алена АЛІМАВА
Фота аўтара