Гастрольная афіша брэсцкага тэатра традыцыйна насычана самымі рознымі назвамі. І адкрывае яе апошняя прэм’ера тэатра — спектакль “Злачынства і пакаранне” паводле Ф.Дастаеўскага. Сярод іншых назваў — не менш класічныя “Рамэа і Джульета” У.Шэкспіра, “Дон Жуан” Ж.-Б.Мальера, “Вечар” А.Дударава, а таксама “Крошка” Ж.Летраза, “Рэтра” А.Галіна і “Беспарадак класа lux, альбо Скокі з нябожчыкам” Р.Куні.
Горкаўцы ж, у сваю чаргу, з 4 па 15 чэрвеня завітаюць з абменнымі гастролямі ў Брэст, дзе пакажуць “Утаймаванне свавольніцы” У.Шэкспіра, “Уяўнага хворага” Ж.-Б.Мальера, “Легенду аб бедным д’ябле” У.Караткевіча, “Ідэальнага мужа” А.Уайльда, “Злоўленага сеткай” Р.Куні і “Васу” М.Горкага.