Беларускія прызы на "Гран-Пале"

Упершыню беларусам (мастачцы з Гродна Валянціне Шоба і гомельскаму скульптару Сяргею Парцянкову) прысудзілі прэмію Тэйлара ў час правядзення выстаўкі "Art Capital" на тэрыторыі комплексу "Гран Пале" ў Парыжы. Работы творцаў прадстаўлены ў экспазіцыі беларускага павільёна, які арганізавалі па ініцыятыве Пасольства Беларусі ў Францыі пры садзейнічанні, у прыватнасці, Нацыянальнага мастацкага музея нашай краіны і Культурнага цэнтра Беларусі ў Францыі.