Сярод камерных выканаўцаў адзначым Мінскі струнны квартэт і заслужанага артыста краіны, прафесара Юрыя Гільдзюка, якія выступяць сумесна, саксафонна-фартэпіянны дуэт “Anima” з Украіны, мужчынскае вакальнае трыо “Рэлікт”, выпускніцу Наваполацкага музычнага вучылішча, а цяпер студэнтку Базэльскай акадэміі музыкі Юлію Садыкаву, японскую віяланчэлістку Чысакі Кіто, а таксама навучэнцаў Полацкай школы мастацтваў.
Паводле добрай традыцыі, у фестывалі возьмуць удзел арганісты — амерыканец Рональд Эбрэхт і наша Ксеня Пагарэлая.
Адкрые ж фестываль сімфанічны аркестр Нацыянальнай тэлерадыёкампаніі Беларусі, за пультам якога з’явіцца расійскі дырыжор Канстанцін Крымер. Вынікам гэтага беларускарасійскага супрацоўніцтва стане канцэрт з красамоўнай назвай — “Свет славянскай музыкі”.
Надзея БУНЦЭВІЧ