“Кветкі Вялікай Перамогі”

— Песня нарадзілася хутка, нават раптоўна. У дзень народзінаў мяне павіншаваў Прэзідэнт нашай краіны Аляксандр Лукашэнка — абсалютна нечакана для мяне. І такое натхненне мяне апанавала, што гэты выбух эмоцый трэба было “выплюхнуць” за раялем! Адпаведна настрою атрымаўся ўрачыста-святочны марш — у лепшых традыцыях вайсковай музыкі, што невыпадкова: мой бацька быў ваенным і маршавыя рытмы мне знаёмы з дзяцінства. Я звярнуўся да вядомага паэта і майго добрага сябра Леаніда Пранчака, каб той напісаў тэкст — да 70-годдзя Вялікай Перамогі. Проста дзіўна, што дзеячы культуры не адгукнуліся дагэтуль цэлым песенным салютам, гэтая ж дата — святая для ўсіх!..

Песня ў выкананні маладога складу “Верасоў” прыйшлася даспадобы, яе падхапіў БРСМ, прапанаваўшы зрабіць гімнам аднайменнай акцыі. Буду шчаслівы, калі песню заспявае ўся краіна!..

Апошнія словы Васіль Раінчык падмацаваў яшчэ адным падарункам нашым чытачам: пагадзіўся выкласці на сайце “К” зробленую ім самім фанаграму-мінусоўку, спампаваць якую можна бясплатна. Пры неабходнасці ён згодны зрабіць пералажэнне для пэўнага харавога складу — таксама бясплатна. Звяртайцеся да нас ці на афіцыйны сайт “Верасоў” verasy.com.

І дарыце ветэранам “Кветкі…” — спеўныя і жывыя!