Ён заслужыў вядомасць і прызнанне як стваральнік галерэі беларускіх мадонн — на сёння ў яго налічваецца каля 700 твораў у славу мацярынства. І на новай выстаўцы, арганізаванай па ініцыятыве міністра інфармацыі Уладзіміра Русакевіча, нязменныя героі яго палотнаў — Маці і Дзіця. А.Кузьміч знаходзіць для іх усё новыя фарбы, разнастайныя адценні пачуццяў, наследуючы традыцыям мастакоў Адраджэння ды іканапісцам візантыйскага канона. У вачах беларускай маці — і светлая радасць, і гонар за дзіця, і нялёгкі лёс папярэдніх пакаленняў, і трывога за будучыню немаўляці, і сусветная туга… Жанчына — носьбітка і прадаўжальніца жыцця — выступае і як яго абаронца.
Адкрыў выстаўку намеснік міністра інфармацыі Ігар Лапцёнак. Аляксея Кузьміча віншавалі з творчымі дасягненнямі пісьменнік Уладзімір Ліпскі, паэт Андрэй Скарынкін, вядомы беларускі журналіст Леанід Екель. Сам жа віноўнік урачыстасці пажадаў, каб яго карціны стваралі ў жанчын-наведвальніц узнёслы святочны настрой напярэдадні іх свята — 8 Сакавіка.
Святлана ІШЧАНКА
На здымку: падчас адкрыцця выстаўкі.
Фота Юрыя ІВАНОВА