Шмат прыгод...

У Слонімскім драматычным тэатры адбылася прэм’ера казкі па п’есе Георгія Марчука “Шмат прыгод пад Новы год” у пастаноўцы галоўнага рэжысёра тэатра Васіля Сяўца. У спектаклі шмат танцаў, гульняў, песень. Усе сцэнічныя прыгоды ў ім адбываюцца ў зімовым казачным лесе. У студзені — лютым новую пастаноўку драмтэатра паглядзяць не толькі слонімскія дзеткі, але і госці з Дзятлава, Зэльвы, Івацэвічаў ды іншых гарадоў Беларусі. Рэжысёр Васіль Сявец прыступіў да працы над новым спектаклем для дзяцей па п’есе Генадзя Аўласенкі “Як павука з луга праганялі”.