прапаганда аховы працы і ўкараненне перадавога вопыту па ахове працы.
4. Агляд-конкурс праводзіцца штогод па выніках работы за каляндарны год.
5. Агляд-конкурс праводзіцца па чатырох намінацыях:
першая — “Лепшая арганізацыя культуры камунальнай формы ўласнасці па ахове працы і прафілактыцы вытворчага траўматызму сістэмы Міністэрства культуры Рэспублікі Беларусь”;
другая — “Лепшы аддзел культуры раённага (гарадскога) выканаўчых камітэтаў па ахове працы і прафілактыцы вытворчага траўматызму”;
трэцяя — “Лепшае ўпраўленне культуры абласнога (Мінскага гарадскога) выканаўчых камітэтаў па ахове працы і прафілактыцы вытворчага траўматызму”;
чацвёртая — “Лепшая арганізацыя культуры рэспубліканскай формы ўласнасці па ахове працы і прафілактыцы вытворчага траўматызму сістэмы Міністэрства культуры Рэспублікі Беларусь”.
Пераможцы ў першай намінацыі вызначаюцца па выніках трох тураў (этапаў): раённага (гарадскога), абласнога (Мінскага гарадскога) і рэспубліканскага.
Пераможцы ў другой намінацыі вызначаюцца па выніках двух тураў (этапаў): абласнога і рэспубліканскага.
Асноўнымі крытэрыямі пры выбары пераможцы ў аглядзе-конкурсе з’яўляюцца:
адсутнасць няшчасных выпадкаў на вытворчасці;
выкананне патрабаванняў Працоўнага кодэкса Рэспублікі Беларусь, іншых актаў заканадаўства па пытаннях аховы працы і тэхнікі бяспекі;
своечасовасць і паўната выканання прадпісанняў і ўказанняў кантралюючых органаў па пытаннях аховы працы;
наяўнасць у арганізацыі перспектыўных і аператыўных планаў мерапрыемстваў па пытаннях аховы працы;
планаванне мерапрыемстваў па ахове працы, укараненне эфектыўна функцыянуючай сістэмы ўпраўлення аховай працы;
арганізацыя бяспечнай эксплуатацыі вытворчага і іншага абсталявання, будынкаў, арганізацыя тэхналагічных працэсаў у адпаведнасці з патрабаваннямі санітарных норм і правілаў;
арганізацыя рабочых месцаў у адпаведнасці з санітарнымі нормамі і правіламі, правіламі па ахове працы і гігіенічнымі нарматывамі;
правядзенне папераджальных і прафілактычных рамонтаў, аглядаў абсталявання, своечасовы тэхнічны агляд аб’ектаў павышанай небяспекі;
наяўнасць у арганізацыі нарматыўных прававых актаў па пытаннях аховы працы, якія ўключаюць міжгаліновыя і галіновыя правілы па ахове працы, санітарныя нормы і правілы, гігіенічныя нарматывы, дзяржаўныя стандарты, галіновыя нарматыўныя прававыя акты сістэмы стандартаў бяспекі працы, будаўнічыя нормы і правілы, правілы бяспекі, правілы ўпарадкавання і бяспечнай эксплуатацыі, правілы і тыпавыя інструкцыі па ахове працы, галіновыя тыпавыя інструкцыі і інструкцыі па ахове працы ў арганізацыях і іншыя;
наяўнасць неабходнай тэхнічнай дакументацыі на абсталяванне, якое маецца;
забеспячэнне арганізацыйна-тэхнічных мерапрыемстваў па безаварыйнай і бяспечнай працы аўтамабільнага транспарту арганізацыі;
забеспячэнне стану санітарна-гігіенічных умоў працы на аснове вызначэння аптымальных параметраў, якія характарызуюць умовы працы, ацэнкі фактычных велічынь гэтых параметраў, правядзенне атэстацый рабочых месцаў па ўмовах працы і ажыццяўленне арганізацыйна-тэхнічных мерапрыемстваў па нармалізацыі санітарна-гігіенічных умоў працы. Пры гэтым асаблівая ўвага павінна быць нададзена стварэнню сістэмы вентыляцыі і кандыцыяніравання, абароны ад шкодных выпраменьванняў, укаранення бясшкодных тэхналагічных працэсаў, малатаксічных матэрыялаў і рэчываў;
арганізацыя абароны работнікаў ад адмоўных наступстваў уздзеяння небяспечных і шкодных вытворчых фактараў;
забяспечанасць работнікаў сродкамі індывідуальнай абароны, сродкамі, якія змываюць і абясшкоджваюць, улік іх выдачы;
арганізацыя санітарна-бытавога абслугоўвання работнікаў;
правільнасць устанаўлення работнікам ільгот і кампенсацый за работу ў шкодных умовах працы, кампенсаванне шкоды, прычыненай жыццю і здароўю работніка;
медыцынскае забеспячэнне работнікаў, арганізацыя папераджальных і перыядычных медыцынскіх аглядаў;
стан супрацьпажарнай бяспекі, выкананне прадпісанняў органаў дзяржаўнага пажарнага нагляду Міністэрства па надзвычайных сітуацыях Рэспублікі Беларусь.
6. Паўната выканання мерапрыемстваў, пазначаных у пункце 5 дадзенай Інструкцыі, на кожным з этапаў агляду-конкурсу вызначаецца аддзелам, упраўленнямі культуры абласных, Мінскага гарадскога выканаўчых камітэтаў, упраўленнем капітальнага будаўніцтва і матэрыяльна-тэхнічнага забеспячэння Міністэрства культуры Рэспублікі Беларусь шляхам:
ажыццяўлення праверак (абследаванняў) дзейнасці арганізацыі;
запатрабавання ад арганізацыі пацвярджаючых дакументаў.
7. Для ўдзелу ў аглядзе-конкурсе арганізацыі прадстаўляюць заявы.
Да заявы прыкладаюцца наступныя дакументы:
кароткая характарыстыка арганізацыі, якая змяшчае ўказанне на намінацыю, поўная афіцыйная назва арганізацыі, якая ўдзельнічае ў конкурсе, яе месцазнаходжанне, кантактны тэлефон, банкаўскія рэквізіты, прозвішча і ініцыялы яе кіраўніка і кіраўніка прафсаюзнага камітэта;
даведка, якая характарызуе кожны з крытэрыяў, што прадугледжаны ў пункце 5 дадзенай Інструкцыі.
8. Для ўдзелу ў аглядзе-конкурсе па першай намінацыі:
8.1. на першым этапе — арганізацыі культуры, якія знаходзяцца ў падначаленні аддзелаў культуры раённых, гарадскіх выканаўчых камітэтаў, да 1 лютага года, які ідзе за годам падвядзення вынікаў, для ўдзелу ў аглядзе-конкурсе накіроўваюць матэрыялы,пазначаныя ў пункце 7 дадзенай Інструкцыі, у аддзелы культуры адпаведнага раённага, гарадскога выканаўчых камітэтаў;
аддзелы культуры раённага, гарадскога выканаўчых камітэтаў да 15 лютага вызначаюць адну арганізацыю-прэтэндэнта для далейшага ўдзелу ў аглядзе-конкурсе (пераможца раённага (гарадскога) этапа) і з суправаджальным пісьмом накіроўваюць матэрыялы, пазначаныя ў пункце 7 дадзенай Інструкцыі, ва ўпраўленні культуры адпаведных абласных і Мінскага гарадскога выканаўчых камітэтаў;
8.2. на другім этапе — арганізацыі культуры, якія знаходзяцца ў падначаленні ўпраўленняў культуры абласных, Мінскага гарадскога выканаўчых камітэтаў, да 15 лютага года, які ідзе за годам падвядзення вынікаў, накіроўваюць матэрыялы для ўдзелу ў аглядзе-конкурсе ва ўпраўленні культуры адпаведнага абласнога, Мінскага гарадскога выканаўчых камітэтаў;
да 1 сакавіка ўпраўленні культуры абласных выканаўчых камітэтаў з арганізацый-прэтэндэнтаў, прадстаўленых аддзеламі культуры раённых і гарадскіх выканаўчых камітэтаў, а таксама з арганізацый культуры, якія знаходзяцца ў падначаленні ўпраўленняў культуры абласных выканаўчых камітэтаў, а ўпраўленне культуры Мінскага гарадскога выканаўчага камітэта — з арганізацый культуры, якія знаходзяцца ў падначаленні ўпраўлення культуры Мінскага гарадскога выканаўчага камітэта, вызначаюць адну арганізацыю-прэтэндэнта для далейшага ўдзелу ў аглядзе-конкурсе (пераможца абласнога (Мінскага гарадскога) этапа) і з суправаджальным пісьмом накіроўваюць матэрыялы, пазначаныя ў пункце 6 дадзенай Інструкцыі, у Міністэрства культуры Рэспублікі Беларусь.
9. Для ўдзелу ў аглядзе-конкурсе ў другой намінацыі на першым этапе аддзелы культуры раённых, гарадскіх выканаўчых камітэтаў да 15 лютага года, які ідзе за годам падвядзення вынікаў, накіроўваюць матэрыялы, пазначаныя ў пункце 7 дадзенай Інструкцыі, ва ўпраўленні культуры адпаведных абласных выканаўчых камітэтаў.
На другім этапе да 1 сакавіка ўпраўленні культуры абласных выканаўчых камітэтаў з аддзелаў культуры раённых, гарадскіх выканаўчых камітэтаў вызначаюць адну арганізацыю-прэтэндэнта для далейшага ўдзелу ў аглядзе-конкурсе (пераможца абласнога этапа) і з суправаджальным пісьмом накіроўваюць матэрыялы, пазначаныя ў пункце 7 дадзенай Інструкцыі, у Міністэрства культуры Рэспублікі Беларусь.
10. Для ўдзелу ў аглядзе-конкурсе па трэцяй намінацыі ўпраўленні культуры абласных і Мінскага гарадскога выканаўчых камітэтаў да 1 сакавіка года, які ідзе за годам падвядзення вынікаў, накіроўваюць матэрыялы, пазначаныя ў пункце 7 дадзенай Інструкцыі, у Міністэрства культуры Рэспублікі Беларусь.
11. Для ўдзелу ў аглядзе-конкурсе па чацвёртай намінацыі арганізацыі культуры рэспубліканскай формы ўласнасці да 1 сакавіка года, які ідзе за годам падвядзення вынікаў, накіроўваюць матэрыялы, пазначаныя ў пункце 7 дадзенай Інструкцыі, у Міністэрства культуры Рэспублікі Беларусь.
12. У Міністэрстве культуры Рэспублікі Беларусь атрыманыя матэрыялы разглядаюцца ўпраўленнем капітальнага будаўніцтва і матэрыяльна-тэхнічнага забеспячэння сумесна з прэзідыумам Рэспубліканскага камітэта Беларускага прафсаюза работнікаў культуры (далей — прафсаюз), і не пазней 15 сакавіка з арганізацый-прэтэндэнтаў у кожнай намінацыі выбіраецца па тры арганізацыі, якія дасягнулі лепшых паказчыкаў у галіне аховы працы і прафілактыцы вытворчага траўматызму.
Матэрыялы аб гэтых арганізацыях прадстаўляюцца на разгляд калегіі Міністэрства культуры Рэспублікі Беларусь.
13. Калегія Міністэрства культуры Рэспублікі Беларусь сумесна з прэзідыумам прафсаюза разглядае матэрыялы аб арганізацыях-прэтэндэнтах і прымае рашэнне аб прысуджэнні звання “Пераможца агляду-конкурсу” па адпаведных намінацыях.
14. Пераможцам агляду-конкурсу ў кожнай намінацыі ўручаюцца дыпломы.
Дыпломы пераможцам агляду-конкурсу ўручаюцца на чарговай калегіі Міністэрства культуры Рэспублікі Беларусь ці на другім мерапрыемстве па меркаванні калегіі Міністэрства культуры Рэспублікі Беларусь.
Пераможцам раённых (гарадскіх), абласных (Мінскага гарадскога) этапаў агляду-конкурсу аддзеламі і ўпраўленнямі культуры таксама ўручаюцца дыпломы.
15. Пры наяўнасці фінансавых магчымасцей пераможцы агляду-конкурсу, а таксама пераможцы адпаведных этапаў агляду-конкурсу за кошт сродкаў мясцовага бюджэту і прафсаюзных камітэтаў заахвочваюцца грашовымі прэміямі і (ці) каштоўнымі падарункамі.
16. Вынікі агляду-конкурсу ўлічваюцца пры падвядзенні вынікаў работы за год аддзелаў культуры раённых, гарадскіх выканаўчых камітэтаў, упраўленняў культуры абласных і Мінскага гарадскога выканаўчых камітэтаў.
17. Вынікі агляду-конкурсу публікуюцца ў газеце “Культура” і размяшчаюцца на інтэрнет-сайце Міністэрства культуры Рэспублікі Беларусь.