Адкрытая пляцоўка агляду Нацыянальнай бібліятэкі Беларусі не так даўно папоўнілася “навінкай”: біноклем панарамнага віду, які дае магчымасць не толькі ўбачыць горад з вышыні птушынага палёту, але і разгледзець яго ва ўсіх нюансах і падрабязнасцях.Бінокль панарамнага віду DigiFox DFC 30x80 дае набліжэнне ў 30 разоў і мае шырокі вугал агляду, што стварае унікальныя магчымасці зірнуць па-новаму на беларускую сталіцу. І, варта зазначыць, новая паслуга паспела ўжо атрымаць розгалас і карыстаецца шырокім інтарэсам у наведвальнікаў. Як паведамілі нам у Нацыянальнай бібліятэцы Беларусі, з часу ўсталявання на адкрытай пляцоўцы агляду бінокля панарамнага віду яго магчымасцямі скарысталася ўжо больш як тры тысячы наведвальнікаў! А колькі яшчэ наперадзе?!
Наш кар.
Фота Юрыя ІВАНОВА