Удзельнікам і гасцям Х Нацыянальнага фестывалю беларускай песні і паэзіі
Паважаныя сябры! Сардэчна віншую вас з адкрыццём Х Нацыянальнага фестывалю беларускай песні і паэзіі. Гэта значная акцыя адбываецца ў Год роднай зямлі напярэдадні святкавання 65-годдзя вызвалення Беларусі ад нямецка-фашысцкіх захопнікаў. Толькі свабодныя, горача любячыя сваю Радзіму людзі могуць пільна захоўваць і памнажаць нацыянальныя культурныя каштоўнасці, узбагачаць творчую спадчыну продкаў. Яскравым прыкладам таму з'яўляецца фестываль песні і паэзіі, які дэманструе невычэрпнасць таленту беларускага народа, гарманічнае спалучэнне музыкі і слова, адкрывае новыя імёны маладых выканаўцаў - будучыні нашай эстрады. Упэўнены, што сённяшняе свята падоўжыць слаўныя фестывальныя традыцыі, паслужыць далейшаму развіццю сучаснага айчыннага мастацтва. Жадаю вам моцнага здароўя, натхнення, поспехаў, шчасця і дабрабыту.
Прэзідэнт Рэспублікі Беларусь Аляксандр ЛУКАШЭНКА