 |
У Белдзяржфілармоніі... |
— Мы з вамі становімся сведкамі вялікай падзеі, — адзначыў У.Рылатка. — Упершыню ў Саюзнай дзяржаве з’явіўся не проста сумесны праект, а агульны калектыў, што з’яднаў адораных юнакоў і дзяўчат Беларусі і Расіі.
Фурор быў сапраўдным! Публіка пачынала стоячы апладзіраваць і крычаць “Брава!” ужо пасля першага нумара — уверцюры да оперы “Вяселле Фігара” Моцарта. 14 —18-гадовыя аркестранты пакінулі на рэштках Берлінскай сцяны, дзе праходзіў адзін з трох канцэртаў, свае аўтографы: паводле нямецкай традыцыі, удзельнікі тамтэйшых выступленняў размалёўваюць прапанаваны ім кавалак.
У Брэсце ж, акрамя канцэрта, юныя музыканты наведалі Брэсцкую крэпасць.
 |
| ...і на Плошчы Перамогі. |
Убачыўшы такі высокі выканальніцкі ўзровень навучэнцаў Рэспубліканскага каледжа пры Беларускай дзяржаўнай акадэміі музыкі і Цэнтральнай музычнай школы пры Маскоўскай кансерваторыі імя П.І. Чайкоўскага (а ўсе аркестранты — спрэс пераможцы нацыянальных і міжнародных конкурсаў), нямецкі бок прапанаваў праз год зрабіць склад выступоўцаў яшчэ больш інтэрнацыянальным, далучыўшы музычных вундэркіндаў з Германіі.
Планаў у калектыву, створанага год таму, шмат. Ужо абмяркоўваецца гастрольны тур 2010 года па некалькіх сталіцах краін Еўропы. Прычым у кожным з гарадоў да нашых аркестрантаў маглі б далучацца мясцовыя юныя таленты. Мэтай такой буйной акцыі, дадаў А.Якупаў, стане яднанне Еўропы пад знакам 65-годдзя Перамогі над фашызмам. Падобныя акцыі служаць і папулярызацыі рускай і беларускай класікі. З нашых твораў летась калектыў граў Арыю для скрыпкі з аркестрам Льва Абеліёвіча, сёлета — харэаграфічныя мініяцюры Яўгена Глебава, адной з перлін якіх з’яўляюцца “Мушкецёры”. Паводле слоў А.Якупава, сучаснай музыкі магло б гучаць куды болей, калі б ноты твораў былі алічбаваныя і, такім чынам, больш даступныя для хуткага выкарыстання.
Надзея БУНЦЭВІЧ
Фота Юрыя ІВАНОВА