Яшчэ адзін конкурс для дызайнераў аб’явіў Мірскі замак. Да 30 верасня ўсе ахвотныя могуць прапанаваць свой варыянт уваходнага квітка ў адзін з самых папулярных беларускіх музеяў. Галоўным крытэрыем ацэнкі з’яўляецца арыгінальнасць дызайну, здатная матываваць наведвальніка не выкідаць той квіток у сметніцу, а захоўваць яго ў якасці сувеніра.
Што цікава, на час правядзення конкурсу яго ўдзельнікам дазволена бясплатна фатаграфаваць інтэр’еры замка і размешчаныя ў экспазіцыі прадметы. Падрабязней умовы конкурсу – на сайце ўстановы.