Адна з частак "трыа" — "Лісты для Таліка" — уяўляе сабой калекцыю франтавых малюнкаў Васіля Маркава 1943 — 1945 гадоў, якія ён дасылаў свайму сыну. Гэтыя кранальныя малюнкі бацькі, які не мог быць побач з сынам, калі той рос, прадстаўлены дзякуючы калекцыі Генадзя Кавецкага.
"Шляхамі вайны" — гэта аўтарская калекцыя здымкаў ваеннага карэспандэнта ТАСС Аляксандра Дзітлава. А частка выстаўкі пад назвай "Дзяўчыны Перамогі" прадстаўляе сабой матэрыялы з сямейных архіваў мінчан і фондаў Нацыянальнага гістарычнага музея краіны, у тым ліку — і фотаздымкі. Аўтарам апошняга праекта з'яўляецца Вольга Дзітлава.
