Дарагія сябры!
Сардэчна віншую вас са знамянальнай датай — 60-годдзем з дня заснавання Беларускага рэспубліканскага тэатра юнага гледача.
Мінулыя гады сталі для вашага калектыву часам творчых адкрыццяў, пошуку ўласных мастацкіх шляхоў, стварэння новых, арыгінальных спектакляў для дзяцей і юнацтва. Багаты рэпертуар, які ўвабраў у сябе лепшыя ўзоры беларускай і сусветнай класікі, і таленавітыя акцёры дазволілі тэатру стаць адным з культурных сімвалаў нашай краіны. Не адно пакаленне беларусаў вырасла на яго спектаклях.
Няхай вашы пастаноўкі і надалей будуць такімі ж цікавымі, сугучнымі духоўным запатрабаванням самай спагадлівай і ўдзячнай публікі.
Жадаю вам невычэрпнага натхнення, поспехаў і новых здзяйсненняў на карысць роднай Беларусі.
Прэзідэнт Рэспублікі Беларусь Аляксандр ЛУКАШЭНКА
8 красавіка 2016 года