Аўтары

Адзіная ў Беларусі бас-гітарыстка — так часта прадстаўляюць Людмілу Крукоўскую. Насамрэч, можа, і не адзіная, але дакладна са спіса найлепшых нашых музыкантаў, чый інструмент бас-гітара. Канешне, у першую чаргу Людмілу ведаюць у джазавых колах — а яна пайграла з усімі значнымі калектывамі, ад “Дыліжанс-джаза” да Apple tea і “Аўтсайдараў”, і з усімі, якія толькі ёсць у Беларусі, музыкантамі гэтага стылю. Але ж і рок, і эстрада, і самыя іншыя жанры ёй падуладныя — у свой час была праца і з “рок-каралямі” групай Rouble zone, і з сімфанічнымі аркестрамі. А з пэўнага часу Людміла Крукоўская не толькі музыкант, але і арганізатар канцэртаў — кіраўнік праекта BlackWhiteJazz, які выводзіць джаз на сцэны і дае магчымасць музыкантам выступаць, а меламанам атрымліваць асалоду ад любімай музыкі.

Неўзабаве Нацыянальны акадэмічны тэатр імя Янкі Купалы будзе святкаваць свой 100-гадовы юбілей. 17 год з гэтых ста на славутай Купалаўскай сцэне адыграла актрыса Ганна Хітрык — яскрава, тэмпераментна, запамінальна. Некалькі гадоў таму Ганна пераехала жыць у іншую краіну, але паклоннікі і па тэатральных справах, і па музычных праектах “Дзецідзяцей” і “Сундук” не забываюцца на сваю любімую артыстку і сочаць за яе лёсам, перажываюць, спадзяюцца ізноў убачыць у Мінску. Нягледзячы ні на што, у нашай размове Аня гэтак жа ззяла ўласцівымі ёй усмешкамі і неўтаймоўнай энергіяй. А пагаворым мы з ёй і пра любімы Купалаўскі тэатр, і пра яе новы сямейны тэатр, і пра тое, якім пакручастым можа быць лёс чалавека і артыста.

Трэці год запар лепшым сцэнографам Беларусі называюць Кацярыну Шымановіч — у 2018 годзе прэмія імя Івана Ушакова, першага мастака Купалаўскага тэатра, дасталася ёй за дэбютны спектакль “Запалкі”, летась гэтай жа ўзнагародай адзначылі працу Кацярыны ў якасці мастака-пастаноўшчыка спектакля “Радзіва Прудок”, а сёлета прэмію вырашылі ўручыць за спектакль “Шляхціц Завальня, або Беларусь у фантастычных апавяданнях”, над якім наша гераіня працавала разам з Сяргеем Ашухам. Усе тры пастаноўкі — Нацыянальнага акадэмічнага тэатра імя Я. Купалы. Толькі некалькі гадоў, як Кацярына Шымановіч выпусцілася з Беларускай дзяржаўнай акадэміі мастацтваў, а спіс яе прац ужо можна назваць бліскучым — нядаўна ён папоўніўся “Каралём Лірам” на купалаўскай сцэне і “Коткіным домам” у Вялікім тэатры оперы і балета, наперадзе — “Тутэйшыя” ізноў у тэатры імя Я. Купалы. Паспрабуем жа разгадаць сакрэт поспеху Кацярыны ШЫМАНОВІЧ.

Што такое тэатр для гледача — спектакль і акцёры. Трохі больш абазнаная публіка ведае і рэжысёраў. Але хто ж галоўны ў тэатры? — Дырэктар. І падчас ён больш вядомы і уплывовы, чым які акцёр ці рэжысёр. Нацыянальным акадэмічным тэатрам імя М. Горкага, які калісьці называлі Рускім, ужо 37 гадоў нязменна кіруе Эдуард ГЕРАСІМОВІЧ. Менавіта пад яго кіраўніцтвам з’явіліся званні і нацыянальнага, і акадэмічнага. Свой тэатральны карабель гэты капітан вядзе ўпэўненай рукой — бо шчыра любіць не толькі родны тэатр імя М. Горкага, але і самое мастацтва тэатра. 22 чэрвеня заслужаны работнік культуры Рэспублікі Беларусь Эдуард Герасімовіч адзначае 75-гадовы юбілей, і адзначае ў марах пра заканчэнне рамонту ў тэатры, пра новую абсталяваную сцэну і вяртанне да нармальнага творчага працэсу. Такія яны — дырэктарскія мары.

Нават далёкі ад тэатра чалавек чуў пра спектакль “Радзіва Прудок”, прэм’ера якога адбылася ў Купалаўскім два гады таму. Як для многіх любімай стала аднайменная кніга Андруся Горвата, так любімым стаў і спектакль Рамана Падалякі, рэжысёра і аўтара інсцэніроўкі. Але ў якасці рэжысёра акцёр Раман Падаляка тады толькі дэбютаваў, сёлета ж адбылася ўжо другая прэм’ера, рыхтуецца трэцяя — і ўжо зразумела, што яна таксама трапіць у цэнтр увагі. Як акцёру стаць рэжысёрам, як знайсці сваю ўнікальную тэму, як у акадэмічным тэатры весці ўласную лінію і ставіць перад сабой звышзадачы — пагаворым з акцёрам і рэжысёрам Нацыянальнага акадэмічнага тэатра імя Я. Купалы Раманам ПАДАЛЯКАМ.

А гэта значыць, што за восем гадоў было здзейснена 400 тэлепадарожжаў у беларускія вёскі і райцэнтры, адзнята амаль столькі ж фальклорных калектываў, зроблена 400 новых сучасных версій беларускіх народных песень! Песні не заканчваюцца, народныя калектывы гэтак жа прагнуць паказаць сваю творчасць усёй краіне, ідэй у стваральнікаў праграмы яшчэ хапае — так што і далей па нядзелях “Наперад у мінулае” чакае ля экранаў усіх сваіх прыхільнікаў. А іх нямала — гэта адна з самых папулярных перадач тэлеканала.

Сёлета фестываль “Славянскі базар у Віцебску”, які пачнецца 16 ліпеня, пройдзе ў новым фармаце — амаль усе мерапрыемствы будуць адбывацца на вольным паветры. Шосты раз часткай вялікага песеннага свята стане фэст вулічнага мастацтва “На сямі вятрах”, які таксама ўзбагаціцца новымі прыдумкамі і перформансамі і які, нягледзячы на абставіны, што даводзіцца пераадольваць, павінны атрымацца яшчэ больш маштабным. Бо на гэты раз яго пляцоўка — увесь горад, прынамсі цэнтральная частка, і ніхто не здолее застацца ўбаку ад вулічнага свята. Што рыхтуюць арганізатары, як яны сумясцяць клопат пра бяспеку гледачоў і свае творчыя ідэі, на якія падзеі варта звярнуць увагу — чытайце далей.

ХХІХ Міжнародны фестываль мастацтваў “Славянскі базар у Віцебску” адбудзецца з 16 па 20 ліпеня — пра гэта стала вядома на прэс-канферэнцыі, што прайшла ў Мінску ў Доме прэсы.

Што я магу зрабіць для музыкі? Мабыць, такое пытанне ў нейкі момант задала сабе піяніст-аматар Марыя Бандарэнка, дзякуючы якой у цэнтры Мінска гэтым летам адкрыўся інтэрактыўны Музей музыкі, а крыху раней і арт-прастора “Свет класічнай музыкі”, якая аб’ядноўвае аматараў фартэпіяна і проста меламанаў. Зазірнём у музей і даведаемся гісторыю яшчэ адной культурніцкай ініцыятывы.

Удача ці талент — у чым сакрэт поспеху ў свеце сучаснай папулярнай музыкі? Бадай, павінны злучыцца і адно і другое. Мінская група Intelligency сем гадоў працавала, выпускала альбомы, радавала прыхільнікаў канцэртамі, расла і сталела. І вось прыйшоў момант, калі Фартуна пабачыла, што калектыў нарэшце заслужыў яе ўвагу: новая песенька August, што ўзарвала інтэрнэт і розныя рэйтынгі па ўсім свеце, Фартуне спадабалася. Як мінскай групе заключыць кантракт з грандам сусветнага шоу-бізнесу, нам раскажуць музыканты групы Intelligency Усевалад ДОЎБНЯ і Юрый ТАРАСЕВІЧ. Раскажуць яны і пра тое, як важна, нягледзячы ні на што, верыць у сябе.