Свежы нумар
"К" інфармуе
Культурны цэнтр: акно ў Кітай
21 снежня ў адным з самых сучасных будынкаў сталіцы па адрасе вуліца Клары Цэткін, 51а адкрыўся Кітайскі культурны цэнтр у Мінску.
Далей
Нашы дзеці
Выступаючы на навагоднім дабрачынным свяце для дзяцей у час акцыі “Нашы дзеці” ў Палацы Рэспублікі, Прэзідэнт Рэспублікі Беларусь Аляксандр Лукашэнка адзначыў, што мы жывём на цудоўнай, шчодрай зямлі і нам ёсць чым ганарыцца. “У нас вялікая і слаўная гісторыя, багатая культура, прыгожая прырода. Але самае галоўнае — гэта шчырыя і працавітыя людзі, — сказаў ён. — Многія пакаленні беларусаў абжывалі нашу зямлю, бераглі яе і абаранялі. Яны будавалі фабрыкі і заводы, на якіх працуюць вашы бацькі. Яны глядзелі ў будучыню. І нам з вамі трэба як мага далей зірнуць у будучыню нашай Беларусі. Менавіта ад вас будзе залежаць, як будзе выглядаць наша зямля і якой стане краіна праз 20, 30 або 50 гадоў”.
Далей
Наша спадчына на ВДНГ
У снежні 2016 года завяршылася рэстаўрацыя скульптурнай кампазіцыі “Працаўнікі Беларусі” павільёна “Рэспубліка Беларусь”, што месціцца на тэрыторыі Выстаўкі дасягненняў народнай гаспадаркі ў Маскве.
Далей
Ёсць мільённы!
У 15 гадзін 21 снежня 2016 года ў касу Беларускага дзяржаўнага музея гісторыі Вялікай Айчыннай вайны па ўваходны білет звярнуўся звычайны наведвальнік, але касір Людміла Шкурская ўрачыста абвесціла, што ён — мільённы!
Далей
З надыходам Новага 2017-га года і Нараджэннем Хрыстовым!
Калектыў рэдакцыйна-выдавецкай установы “Культура і мастацтва” шчыра віншуе нашых падпісчыкаў і чытачоў з надыходам Новага 2017-га года і Нараджэннем Хрыстовым!
Далей
Соцыум
“…Рампа” ёсць, артыстаў хапае: дзе ж маладыя рэжысёры?
У Беразіно прайшоў юбілейны Х Абласны фестываль народных тэатраў “Бярэзінская рампа”. Атмасфера свята, гасціннасць гаспадароў, безліч намінацый і прызоў, цудоўная арганізацыя, шыкоўная “трыумфальная арка” ў выглядзе адметнага тэатралізаванага адкрыцця і бліскучага гасцявога спектакля закрыцця — усё гэта памножылася на праблемы развіцця аматарскіх калектываў. Што ж маем у выніку — а галоўнае, на перспектыву?
Далей
Форум: гаворым пра актуальнае! Форум
Сысці з абцасаў, каб агучыць цішыню
Беларускія падмосткі даволі часта адорваюць гледача прывабным жаночым целам. Спакусліва аголенымі часткамі цела ўпрыгожваюць мізансцэны, пышнымі дэкальтэ аздабляюць афішы, прыгажунямі ў паўпразрыстых строях рамантызуюць гарачыя гісторыі кахання. Аднак ад мастацтва новага стагоддзя чакаюць не толькі пікантнай карцінкі. Ці атрымаецца ў айчыннага тэатра сысці ад клішэ і ўзняцца на наступную прыступку разумення сексуальнасці, калі цела ўспрымаецца не дадаткам, а адным з узроўняў пазнання чалавечай сутнасці?
Далей
Дзяжурны па нумары
Пра пяць гадоў і адзін скандал
У пераднавагодняй мітусні неяк зусім забыўся цікавы юбілей. Пяць гадоў таму будынак па мінскім адрасе Някрасава, 3 змяніў шыльду і адчыніў дзверы для ўсіх ахвотных. Так распачаў сваю публічную гісторыю Цэнтр сучасных мастацтваў. Далей былі самыя розныя пертурбацыі: змена кіраўніцтва, потым — рэарганізацыя і наданне статуса нацыянальнага, урэшце, паступовы рамонт… Але самае галоўнае — іншае. Сёння ўжо нікому не трэба тлумачыць, дзе гэты цэнтр знаходзіцца. Ён — сапраўды адбыўся.
Далей
Тэндэнцыі сферы
Мільярды, кадры і эстрадны мікс
На рэдакцыйнай планёрцы было вырашана, што падвядзенне вынікаў 2016 года варта пачынаць ужо з гэтага нумара. Што мы і зрабілі. Так што ў сённяшняй “К” свае меркаванні наконт набыткаў мінулага Года культуры прадставяць начальнікі і намеснікі начальнікаў галоўных упраўленняў ідэалагічнай работы, культуры і па справах моладзі аблвыканкамаў, а ў наступных — кіраўнікі шэрагу раённых аддзелаў.
Далей
Праекты развіцця: культура рэгіёнаў
Калі квітнее кактус
Што замінае развіццю рэгіянальнай культуры
Я вельмі кепскі кветкавод. Але ўсе падваконні ў маёй кватэры застаўлены вазонамі з самымі рознымі раслінамі. Я забываюся іх паліваць, часта лаюся, асабліва на кактусы, а яны ўпарта цягнуцца ўверх, і раз-пораз так мудрагеліста квітнеюць, што я мімаволі пачынаю разважаць пра нелагічнасць любові ды кахання… Культура нашых раёнаў і вёсак нагадвае мне кактус, які можна не паліваць, не аддзячваць пяшчотным словам, бо перыядычнасць яго квітнення ўсё роўна будзе залежаць ад нейкіх іншых, не надта зразумелых нам абставін.
Далей
Праекты развіцця
Каб выбіцца ў поп-зоркi...
“Патрэбны баян, барабаны і лінейка!” — сцвярджае Аляксандр Патліс
У Гродне спевака Аляксандра ПАТЛІСА чакала творчая сустрэча з яго прыхільнікамі. Але першым пунктам знаходжання выканаўцы ў родным горадзе значыўся традыцыйны для герояў гэтай рубрыкі паход па ўстановах культуры. Кампанію ў візіце яму склалі чатырохгадовы сын Леон ды я. А цяпер яшчэ і вы...
Далей
Prof-партфоліа
Навошта нам каворкінг?
22 снежня ў Навуковай бібліятэцы Беларускага нацыянальнага тэхнічнага ўніверсітэта адкрылі першы бібліятэчны каворкінг “КБ-16” у Мінску.
Далей
Соцыум: праблемны аспект культуры Рэдакцыя плюс...
“Песняры” без эківокаў
Амаль вечны ансамбль у зменлівым свеце
Мы палічылі слушным у год 75-годдзя з дня нараджэння Уладзіміра Мулявіна завяршыць рубрыку “Рэдакцыя плюс…” у адыходзячым 2016-м сустрэчай з музыкантамі Беларускага дзяржаўнага ансамбля “Песняры”. Калектыў не адмовіў нам у гэтым парываннi ды прыняў журналістаў “К” у сваёй студыі, дзе рэпецiраваў новыя песні, а чаканых гасцей з надыходзячымі зiмовымi святамi павіншаваў бессмяротным хітом “Каляда” (дарэчы, 12 студзеня — у дзень нараджэння Мулявiна — гурт дасць прысвечаны яму сольны канцэрт у вялікай зале Белдзяржфілармоніі). Расчуленыя такім прыёмам, журналісты “К” усё ж адказалі на праяўленую ўвагу пытаннямі не толькі ветлівымі, але і падступнымі, як часам падавалася. У цэлым жа гутарка выйшла канструктыўная, у чым і прапануем вам пераканацца...
Далей
art-блог
Аўдыя & Відэа-33
Лістападаўскія аўдыя/відэаработы айчынных выканаўцаў рэцэнзуюць кампазітар, прадзюсар Леанід ШЫРЫН (A.) і спецыяльны карэспандэнт газеты “Культура”, музычны крытык Алег КЛІМАЎ (B.).
Далей
Яна — гэта…
Драма супраць меладрамы ў трох версіях
У Магілёўскім абласным тэатры драмы і камедыі імя Вінцэнта Дуніна-Марцінкевіча, што ў Бабруйску, паставілі спектакль “Гэта ўсё яна” паводле аднайменнай п’есы маладога беларускага драматурга Андрэя Іванова. Два месяцы таму тая ж п’еса была ўвасоблена ў сталіцы — у Рэспубліканскім тэатры беларускай драматургіі. Спектаклі атрымаліся прынцыпова рознымі.
Далей
Prof-партфоліа:досвед прафесіяналаў у культуры
Ад Скарыны да Фаўста
Конкурс “Францыск Скарына і сучаснасць” па стварэнні твораў для драматычнага тэатра, пераможцы якога былі вызначаны ў кастрычніку, атрымаў першы практычны вынік. 11 лістапада ў Магілёўскім драматычным тэатры адбылася прэм’ера спектакля “Скарына” паводле твора Мікалая Рудкоўскага “Доктар вольных навук”, уганараванага ў намінацыі “Сучасная п’еса”. Праўда, у графе аўтарства да прозвішча драматурга дадалося імя галоўнага рэжысёра тэатра Саўлюса Варнаса, які не проста зрабіў сваю сцэнічную рэдакцыю, а дадаў новыя фрагменты тэксту.
Далей
На людным месцы
Беларускі народны каляндар-2017
Народны каляндар — гэта сістэма сталых ці рухомых святаў, прысвяткаў, абрадаў, гульняў, звычаяў, што замацаваны ў побыце і фальклоры. Уяўляе з сябе пераважна спалучэнне язычніцкай і хрысціянскай культуры. Гэта — фальклорны каляндар: ён складзены на аснове хранонімаў, якія зафіксаваны ў вуснай народнай творчасці беларусаў, і ўключае традыцыйныя арыенціры на сельскагаспадарчыя работы і адпачынкі ў гадавым, сезонным, месячным і іншых цыклах-рытмах. Сістэматызаваны беларускі народны каляндар у складзе з велікодна-валачобнымі песнямі, якія ў строгай храналагічнай паслядоўнасці апісваюць традыцыйныя прысвяткі і святы, у тым ліку тыя, што закансерваваліся ў непараўнальных паэтычных узорах як Навагоддзі / Навалецці, з’яўляецца нашым шэдэўрам і фенаменальнай з’явай сусветнай нематэрыяльнай культуры.
Далей
прыватная гісторыя
Музей, які стварыў Пех
Заснавальнік Ваўкавыскага ваенна-гістарычнага музея, археолаг, калекцыянер і мастак Георгій Пех (1897 — 1969) сёння амаль забыты і нідзе не прыгадваецца. Яго постаць застаецца не самай вядомай да гэтага часу не толькі на Ваўкавышчыне, але і ў Беларусі наогул нават сярод тых, хто займаецца гісторыяй, краязнаўствам, археалогіяй. Даследчыкі ведаюць, што быў такі Пех, але ягоны лёс, творчасць і пошукі ніхто ніколі грунтоўна не даследаваў. А гэта быў таленавіты, адукаваны, апантаны сваёй справай чалавек. Ён шмат зрабіў для беларускай археалогіі. Прымаў удзел у археалагічных раскопках Ваўкавыска, Мінска, Слоніма, Турыйска, падрабязна іх апісаўшы, у тым ліку і ў друку. Гэта чалавек, які любіў і даследаваў свой край, які ва ўсіх анкетах і біяграфіях, дзе б ні жыў, заўсёды пісаў, што ён — беларус.
Далей
ART-блог: беларускае мастацтва
Рыцар дызайну
Пра сустрэчу з Мальданада, які перамог, расчараваўся і рушыў далей
У кастрычніку 1955 года ў заходнегерманскім горадзе Ульме ішла цырымонія ўрачыстага адкрыцця новай вучэбнай установы — вучылішча мастацкага канструявання, якое потым стане вядомым на ўвесь свет як Ульмская школа дызайну. На цырымоніі прысутнічалі ганаровыя госці: Вальтар Гропіус — заснавальнік і першы дырэктар знакамітай дызайнерскай школы Баўхаўз , а таксама 92-гадовы Генры ван дэ Вельдэ — у свой час лідар нямецкага мадэрну, стваральнік веймарскай школы дэкаратыўна-прыкладнога мастацтва, папярэдніцы Баўхаўза. Ды ўсё сведчыла: новая школа за ўзор узяла акурат апошні, першую школу дызайну сучаснага тыпу, яго ідэі і педагагічную сістэму. Менавіта Баўхаўз упершыню стаў рыхтаваць мастакоў, якія маглі б працаваць з масавай прамысловай формай. Гэта дызайнерская школа мела вялікі ўплыў на развіццё еўрапейскай, а потым і сусветнай мастацкай культуры перадваеннага часу, аднак, у 1933 годзе была закрытая нацыстамі. Адрадзіць традыцыі даваеннага Баўхаўза — такую мэту паставіў стваральнік Ульмскай школы, дызайнер Макс Біл, які і ўзначаліў яе. Сярод яго прыхільнікаў былі амаль усе, каго Біл запрасіў у школу ў якасці выкладчыкаў. Аднак…
Далей
Віншуем!
Са светлымі святамі
Дэпутаты Палаты прадстаўнікоў Нацыянальнага сходу Рэспублікі Беларусь — члены Пастаяннай камісіі па адукацыі, культуры і навуцы сардэчна віншуюць работнікаў культуры, дзеячаў мастацтва, рэдакцыйны калектыў і чытачоў газеты “Культура” са светлымі святамі — Нараджэннем Хрыстовым і Новым годам!
Далей
Вяртаючыся да надрукаванага
Іншы погляд на Агінскага-3
Аўтар спрэчнай кнігі пра жанры і свайго героя
Я вельмі рад, што мая кніга “1813” выклікала жывое абмеркаванне на старонках газеты “Культура” (№№ 49 — 50). Асабіста я бачу, што непрыняцце кнігі “1813” выклікана ў большасці выпадкаў неразуменнем сутнасці літаратурнага жанру, у якім напісана аповесць. У гэтым тэксце пастараюся патлумачыць мастацкія асаблівасці твора і раскажу, чаму менавіта Міхал Клеафас Агінскі стаў яго галоўным героем.
Далей
Погляд з XXI стагоддзя
Клічаўскія тайны
Дзякуючы паланісту Алегу Палянскаму мне ў рукі трапілі вытрымкі з рамана Фларыяна Чарнышэвіча “Надберазінцы”. Твор напісаны па-польску, малавядомы ў Беларусі, ні на беларускую, ні на рускую мовы не перакладаўся. Аднак дзеянне рамана пачынаецца ў Бабруйскім павеце (частка, што цяпер уваходзіць у склад Клічаўскага раёна) 1910-х гадоў. Тэкст уражвае дакладнасцю апісанняў, рэгіянальнымі беларускімі слоўцамі ў польскай транскрыпцыі. Аўтабіяграфічны раман, напісаны па дзіцячых і юнацкіх успамінах аўтара, з’яўляецца каштоўнай крыніцай па этнаграфіі і гісторыі сённяшняга Клічаўскага раёна. Прапаную вытрымкі з “Надберазінцаў” ва ўласным перакладзе з польскага выдання 2014 года.
Далей
Ратаванне скарбаў
Намаганнямі беларускіх навукоўцаў падчас спецыяльных экспедыцый 1990-х гадоў удалося сабраць і захаваць шматлікія помнікі этнаграфіі, узоры дэкаратыўна-прыкладнога мастацтва забруджанага пасля чарнобыльскай катастрофы рэгіёна. Усё гэта аформілася ў адмысловы фонд пры аддзеле старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі. Сёлета з "К" сваімі ўспамінамі пра экспедыцыі ў тыя мясціны падзяліўся адзін з іх кіраўнікоў Міхаіл Філістовіч (у "К" № 18). Цяпер жа, напрыканцы года, калі мы прыгадвалі 30-годдзе чарнобыльскай бяды, яшчэ адзін багаты на факты матэрыял. Засяродзімся ў ім менавіта на згадках пра самі экспедыцыі.
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |