Свежы нумар
#2016годкультуры
У рамках Года культуры
У рамках Года культуры ў Зале Перамогі Беларускага дзяржаўнага музея гісторыі Вялікай Айчыннай вайны гэтай установе перададзена карціна Вадзіма Карпава “Беларускі Сусанін”. На палатне кастрамскога мастака, якое перадаў намеснік губернатара Кастрамской вобласці Расіі Аляксей Смірноў, што браў удзел у працы 3-га Форуму рэгіёнаў Беларусі і Расіі, адлюстраваны 76-гадовы беларускі селянін Іосіф Філідовіч, які ў час Вялікай Айчыннай вайны паўтарыў подзвіг Івана Сусаніна. У снежні 1942 года гэты партызанскі сувязны цаной уласнага жыцця падчас блакады партызанскай зоны ў Ліпічанцы Дзятлаўскага раёна Гродзенскай вобласці завёў у непраходныя балоты 300 фашысцкіх карнікаў.
Далей
Перспектывы ў Праграме
10 чэрвеня міністр культуры Рэспублікі Беларусь Барыс Святлоў і міністр культуры Латвійскай Рэспублікі Дацэ Мелбардэ падпісалі ў Нацыянальнай бібліятэцы Праграму супрацоўніцтва на 2016 — 2018 гады ў сферы культуры.
Далей
Акорды “Славянскага…”
Чаго чакаць ад юбілейнага “Славянскага базара ў Віцебску”?.. 9 чэрвеня ў рэжыме тэлемаста Мінск — Масква паведамілі журналістам пра творчыя нумары і новыя цікавосткі XXV Міжнароднага фестывалю мастацтваў.
Далей
“...Крок”, Юркоўскі
Віцебск як культурная сталіца Беларусі прымервае да сябе новы вобраз — гаспадара першага Міжнароднага фотафестывалю “Фотакрок”, які адбудзецца з 23 па 26 чэрвеня. Арганізатарамі фэста выступілі аддзел ідэалагічнай работы, культуры, па справах моладзі Віцебскага гарвыканкама, “Рус прэс фота”.
Далей
"К" інфармуе
Адзнакі лепшым
Згодна з Указам Прэзідэнта Рэспублікі Беларусь ад 2 чэрвеня 2016 года № 187, вялікая група работнікаў розных сфер удастоена дзяржаўных узнагарод. Сярод узнагароджаных — і прадстаўнікі сферы культуры.
Далей
Намінантамі сталі...
Як паведамляе Міністэрства культуры нашай краіны, ужо вызначаны намінанты Рэспубліканскага конкурсу тэатральнага мастацтва "Нацыянальная тэатральная прэмія", фінальны этап якога адбудзецца ў сталіцы ўвосень.
Далей
Форум: гаворым пра актуальнае!
З Маладзечна ў Паставы
Калі гэты нумар будзе выходзіць з-пад друкарскай машыны, у час гала-канцэрта XVI Нацыянальнага фестывалю беларускай песні і паэзіі "Маладзечна-2016" абвесцяць імя пераможцы Нацыянальнага конкурсу маладых выканаўцаў беларускай эстраднай песні. Мы ж на гэтым тыдні наведалі адну з напружаных рэпетыцый, дзе Заслужаны калектыў Рэспублікі Беларусь Нацыянальны акадэмічны канцэртны аркестр краіны пад кіраўніцтвам народнага артыста Беларусі, прафесара Міхаіла Фінберга адточваў нумары з шэрагу праграм, што рыхтуюцца музыкантамі да форуму айчыннай культуры. Міжнародны ж фестываль народнай музыкі "Звіняць цымбалы і гармонік" сёлета — дзевятнаццаты па ліку. На яго збяруцца прадстаўнікі шэрагу рэгіёнаў Беларусі, а таксама замежных краін. Месцам прыцягнення стануць гасцінныя Паставы. Што сёлета дадасца ў вянок традыцый фэсту? Адказы на ўсе творчыя і не толькі пытанні напрыканцы гэтага тыдня шукайма ў фестывальных Маладзечне і Паставах.
Далей
Дзве перамогі
Інфармацыя адразу пра дзве перамогі беларускай культуры ў розных краінах прынеслі апошнія дні тыдня. Так, артысты Нацыянальнага акадэмічнага драматычнага тэатра імя Якуба Коласа атрымалі 4 узнагароды на VI Міжнародным фестывалі камерных і монаспектакляў “LUDI” ў расійскім Арле за пастаноўку заслужанага дзеяча мастацтваў Рэспублікі Беларусь, мастацкага кіраўніка трупы Валерыя Анісенкі "Пахавайце мяне за плінтусам" паводле аўтабіяграфічнай аповесці Паўла Санаева. Лаўрэатам у намінацыі “За лепшую жаночую ролю” стала заслужаная артыстка краіны Тамара Скварцова (інтэрв’ю з ёй — у “К” № 15 за гэты год), спецыяльныя дыпломы журы ў артыстаў Пятра Ламана і Рамана Салаўёва. Дыпломам лаўрэата адзначана і праца мастака-пастаноўшчыка Андрэя Жыгура. Тым часам у рамках кірмашу “Art-Vilnius” у сталіцы Літвы лепшай замежнай галерэяй форуму стала прыватная беларуская Галерэя сучаснага мастацтва “Ў”. Пра гэта паведаміла "К" з Вільнюса наш сталы аўтар — арт-журналіст Любоў Гаўрылюк.
Далей
Справаздача, аналіз, прагноз
22 — 23 чэрвеня, як “К” пісала ўжо, у Мінску пройдзе пяты Усебеларускі народны сход. На абмеркаванне будуць вынесеныя пытанні аб выніках рэалізацыі Праграмы сацыяльна-эканамічнага развіцця Беларусі на 2011—2015 гады і аб асноўных палажэннях Праграмы сацыяльна-эканамічнага развіцця краіны на 2016—2020 гады. Чакаецца, што ўдзельнікамі мерапрыемства стане прыкладна дзве з паловай тысячы чалавек з усіх куткоў краіны.
Далей
Праекты развіцця: культура рэгіёнаў
Выбары-2016
У адпаведнасці з Указам Прэзідэнта Рэспублікі Беларусь Аляксандра Лукашэнкі ад 6 чэрвеня № 190 выбары ў Палату прадстаўнікоў Нацыянальнага сходу Рэспублікі Беларусь шостага склікання прызначаны на 11 верасня бягучага года.
Далей
Дзе наша вялікая лыжка?
У Беразіне, натуральна. Пры мясцовым Раённым цэнтры рамёстваў і Музей драўлянай лыжкі ёсць. А цяпер вось на тэрыторыі ўстановы і 23-метровы рарытэт з’явіўся. Малодшы навуковы супрацоўнік РЦР Алена Лапыцька сведчыць: самы вялікі ў свеце. Разьбяры Яўген Осіпаў, Уладзіслаў Макавецкі і Аляксандр Паскробка рабілі дубовую лыжку (на ёй — і цмок, і сонца, і герб райцэнтра) ці не з зімы, а 10 чэрвеня завяршылі яе прапітку, каб доўга вока радавала. Прэзентацыя цуда адбудзецца ў нядзелю. Пакуль дасягненне не зафіксавана, але зарэгістраваны папярэдні рэкорд застаецца далёка ад бярэзінскага — гаворка пра румынскую лыжку на 17,82 метра.
Далей
Соцыум
Вартасць пасля гарантыі
Ідэнтычнасць паводле… імпартазамяшчэння
Беларускі саюз дызайнераў ініцыяваў праект “Тутэйшы дызайн: асобы і рэчы”, вядомы таксама пад назвай “Рэчы беларускія”. Мая гутарка са старшынёй творчага саюза Дзмітрыем Сурскім пачалася з пытання “Навошта?” Які сэнс вывучаць прадметы, якія ў большасці выпадкаў страцілі функцыянальны складнік. І звычайнаму чалавеку, калі ён не калекцыянер, непатрэбныя і задарма?
Далей
Соцыум: праблемны аспект культуры Праекты развіцця
Падтрымка спецыяліста і кандыцыя брэнда
Журналісцкі аўтатур газеты "Культура" / Што ведаюць пра Крапіву і Каліноўскага?
І зноў дарога па нас засумавала. А мы — па новых адкрыццях. Словам, карэспандэнты “К” — у чарговым аўтатуры. Гэтым разам вырашылі дабрацца да паўночнай Белавежы. Маршрут абралі праз Ваўкавыскі, Бераставіцкі, Свіслацкі раёны Гродзеншчыны. І збольшага не пашкадавалі. Беларусь — нібыта дзіўная кніга, кожная старонка якой ці не штодня напаўняецца новым зместам. Гэтай кнігай чытаць — не начытацца.
Далей
Prof-партфоліа
Няўжо тэндэнцыя на попыт?
Пяць новых кніг пра традыцыйную культуру
За апошні час выйшла некалькі кніг па тэматыцы традыцыйнай культуры. “К” пацікавілася ў аўтараў пра чытацкі інтарэс да выданняў этнаграфічнага кірунку.
Далей
Настаўнік музычных… “монстраў”
У Міжнародны дзень абароны дзяцей у мінскім Маладзёжным тэатры эстрады адбыўся канцэрт выхаванцаў творчай майстэрні Васіля Сянькова “Першы дзень лета”. Сянькоў — адзін з найбольш вядомых педагогаў краіны. Пачынаў ён у магілеўскай студыі “Вясёлка”, дзе ўзгадаваліся, сярод іншых, Іна Афанасьева, Ірына Дарафеева, Наталля Падольская, Пётр Ялфімаў, Наталля Кудрына. Ужо два гады ён працуе ў Мінску, пазнаёміўшы прысутных з творчасцю сваіх новых гадаванцаў — 15 маладых спевакоў.
Далей
Prof-партфоліа:досвед прафесіяналаў у культуры аКно ў свет
Два канцэрты на першай сцэне
Лідскі варыянт фурору на фестывалі за мяжой
Аркестр народных інструментаў Лідскага дзяржаўнага музычнага каледжа — калектыў, добра вядомы не толькі ў родным горадзе і на Гродзеншчыне наогул. Апошнія некалькі гадоў ён кожны сезон ажыццяўляе паездкі на прэстыжныя міжнародныя конкурсы ды фестывалі, нязменна прывозячы Гран-пры, іншыя ўзнагароды ды знакі прызнання. Сёлета па спецыяльным запрашэнні арганізатараў ён стаў удзельнікам ХХХ FIMU — Міжнароднага музычнага фестывалю моладзі ў Бэльфоры (Францыя).
Далей
Рэдакцыя плюс...
Несярэдняе звяно
З першым прадзюсарам краіны пра голага сярод ваўкоў, раскрутку беларускамоўнага праекта і пра тое, чым ёсць насамрэч "папса"
Надумай лідар пецярбургскага гурта “Ленінград” Сяргей Шнураў скласці свой планавы шэдэўр на тэму беларускай музычнай індустрыі, у iм мог бы быць і такі радок: “Песень нармальных няма, мня-мня, адны прадзюсары ў краіне, мня-мня”. Да аднаго з іх і выправіўся калектыўны інтэрв’юер “К”, але сустрэліся мы ў паўнахаўсе на ўскраіне Мінска не з менеджарам сярэдняга звяна, а з самым вядомым ды паспяховым музычным прадзюсарам Беларусі, імя якога ведаюць далёка за яе межамі ў колах кампетэнтных ды не вельмі. У прынцыпе, з Яўгена Калмыкова і пачыналася гэтая дзейнасць у Беларусі на сур’ёзным ўзроўні...
Далей
art-блог
“Навальніца” без “промня”
У Новым драматычным тэатры — прэм’ера спектакля “Калі б ведаць…”. Яго поўная назва — фантазія на тэму “Чаму людзі не лётаюць?..” паводле п‘есы “Навальніца” Аляксандра Астроўскага.
Далей
ART-блог: беларускае мастацтва
“Таму што…”: ад адаптацыі да "фі"
Зараз пайшла тэндэнцыя — выстаўляць арт-аб’екты з рэчаў побытавага ўжытку. І выстава “Таму што…” у Рэспубліканскай мастацкай галерэі Беларускага саюза мастакоў — не выключэнне.
Далей
На людным месцы
Лета — гэта...
Лета — час падвоенай творчай актыўнасці. З першых дзён чэрвеня пра гэта сведчаць лісты нашых неабыякавых чытачоў.
Далей
Суботнія сустрэчы
Радыёхімік у жанры, які сыходзіць
Як “дапрацоўваць” сябе на манежы?
Напрыканцы мая гімнастка Беларускага дзяржаўнага цырка Алена КЛІМОВІЧ прывезла на радзіму залаты медаль І-га Міжнароднага дзіцячага і маладзёжнага фестывалю цыркавога мастацтва, які ладзіўся ва Украіне. Яе нумар “Іншая” ў жанры антыпод — жангліраванне нагамі — стаў лепшым ва ўзроставай катэгорыі 18 — 25 гадоў. Супрацоўнікі цырка яшчэ на вахце пачалі ўголас расхвальваць журналісту “К” артыстку: “Пішыце пра яе! Адказная дзяўчына, шмат трэніруецца. І пры гэтым яна вучыцца на дзённым у БДУ! Такіх разумніц — пашукаць!”
Далей
Тактыка культурнага развіцця
Бібліятэкі, гранты, вопыт
Днямі мне давялося пабываць на III Міжнароднай канферэнцыі “Навуковыя гранты і праекты — ад падачы заяўкі да фінансавання”, што ладзілася ў Аполе (Польшча). Апошнім часам гэта тэма мяне вельмі цікавіць. Я канчаткова пераканалася: усё, што можна было зрабіць для развіцця бібліятэкі Баранавіцкага дзяржаўнага ўніверсітэта за сродкі, якія выдзяляюцца навучальнай установай, мы ўжо зрабілі.
Далей
Рэпарцёрскі марафон
Гастролі з "Песняром"
У тур са сваім журналістам: некалькі дзён з жыцця Нацыянальнага тэатра імя Горкага
Гэтым матэрыялам “Культура” выпрабоўвае новы цыкл “У тур са сваім журналістам”. Сутнасць яго ў тым, што карэспандэнт “К” будзе сядаць “на хвост” гастрольнага цягніка (альбо іншага транспарта), далучаючыся да творчага падарожжа. Карацей, паехалі?!..
Далей
Пра супрацу — у палацы Радзівілаў
III Форум рэгіёнаў Беларусі і Расіі, які адбыўся на гэтым тыдні, вылучаўся асаблівай увагай да гуманітарных аспектаў. Пасяджэнне адной з яго секцый, “Беларуска-расійскае гуманітарнае супрацоўніцтва і ўзаемадзеянне ў сферы турызму: гістарычны і сучасны кантэкст”, прайшло 7 чэрвеня ў знакамітым Нясвіжскім палацы. Высокія госці, большасць з якіх пабывалі там упершыню, не хавалі свайго захаплення ад убачанага і пачутага падчас экскурсіі. Ды і барочныя інтэр’еры колішняй Тэатральнай залы стварылі выдатнае атачэнне для абмену ідэямі ў сферы культурнага супрацоўніцтва.
Далей
"Лічбавы" падыход
Як увайсці ў топ?
Не аднойчы падчас выездаў у рэгіёны Беларусі мне даводзілася чуць прыкладна такія словы: вось каб нам дапамаглі з грашыма, мы б нашу царкву (касцёл, сядзібу, палац) адрэстаўравалі! Між тым, не сакрэт, што працэс рэстаўрацыі любога старадаўняга аб’екта расцягваецца на гады і патрабуе значных сродкаў, якіх у раённых уладаў часам можа і не быць. Таму зазвычай у такіх выпадках у рэгіёнах спадзяюцца на фінансавую падтрымку з дзяржаўнага бюджэту ды Міністэрства культуры краіны.
Далей
Фестывальны гід
Між мэйнстрымам і ўнікальнасцю
Дэталізацыя фестывалю ў Гродне, які... немагчыма ахапіць
4 — 5 чэрвеня ў Гродне прайшоў ХІ Рэспубліканскі фестываль нацыянальных культур. Гэта бадай што адзіны выпадак у Беларусі, калі “фестываліць” увесь цэнтр горада, а не асобная плошча. На вуліцах Савецкай і Элізы Ажэшкі (яны звязваюць плошчы Савецкую і Леніна, дзе змясціліся галоўныя фестывальныя сцэны) — натоўп. У дворыках уздоўж вуліц — нацыянальныя падворкі, куды часам не прабіцца. А там і адбываліся грунтоўныя прэзентацыі нацыянальных культур: на буйных сцэнах паказвалі скарочаныя праграмы.
Далей
фатаграфічная калекцыя
Нечаканы “…Сон”
Канцэпцыя, што атрымліваецца, калі выява псуецца
За трыццаць гадоў фатограф Сяргей Плыткевіч пабываў у Чарнобыльскай зоне з паўсотню разоў. Для яго гэта стала ўжо пэўным правілам — штогод ён выпраўляецца ў падарожжа, каб зафіксаваць сыход цывілізацыі. “Зараз я ўжо фатаграфую панаванне прыроды, звяроў у гэтых мясцінах, якія калісьці засяляў чалавек. З кожным годам яны ўсё больш адчуваюць сябе тут гаспадарамі. Ваўкі ў зоне зараз накідваюцца на сабак. Настолькі асмялелі …” Трагедыя Чарнобыля, на думку аўтара, гэта не толькі смерць і хваробы, але і сыход пэўнай культуры, страта дома для тысяч людзей, якія вымушаны былі пакінуць свае родныя мясціны праз чыюсьці памылку.
Далей
Дэтальны разгляд
Постскульптура: рэзкая і рахманая
Пахаванне скульптуры альбо заклік да яе мадэрнізацыі? Радыкальны нігілізм ці інтэлектуальная іронія? Журналісты “К” дзеляцца сваімі ўражаннямі ад выставы Паўла Вайніцкага “Плюха” і Першага беларускага фестывалю постскульптуры, якія адбыліся ў Мемарыяльным музеі-майстэрні Заіра Азгура.
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |