Свежы нумар
"К" інфармуе
У майстэрні Шчамялёва
Чарговая сустрэча ў рамках рубрыкі "Рэдакцыя плюс..." адбылася з народным мастаком Беларусі Леанідам Дзмітрыевічам Шчамялёвым у ягонай майстэрні. Што сказаў майстар пра час, краіну, прызначэнне мастака і ўласныя прыхільнасці ў творчасці, чытайце ў наступных нумарах "К".
Далей
Нацыянальны конкурс
стане адной з галоўных адметнасцей сёлетняга ХХІ Мінскага Міжнароднага кінафестывалю "Лістапад", што распачаўся ўчора і завершыцца 14 лістапада. У ім прадстаўлены 23 стужкі — ігравыя, дакументальныя, анімацыйныя.
Далей
Навагрудскі абрыс
Фота са старонкі Навагрудскага турысцка-інфармацыйнага цэнтра гэтым тыднем абляцела ўвесь Байнэт і спарадзіла бурныя дыскусіі. Як бачым, выгляд Касцельнай вежы замка ў старадаўняй сталіцы Вялікага Княства Літоўскага страціў знаёмыя абрысы і прырос новай цэглай. Чаму менавіта так было вырашана зрабіць кансервацыю? Чытайце пра гэта ў наступных нумарах "К".
Далей
Паясы з Варшавы
У рамках рэалізацыі Дзяржаўнай праграмы адраджэння слуцкіх паясоў у Нацыянальным мастацкім музеі Рэспублікі Беларусь з 5 лістапада прадстаўлены шэсць паясоў з калекцыі Нацыянальнага музея ў польскай сталіцы. Пяць паясоў створаны знакамітай мануфактурай Маджарскіх у перыяд іх кіравання (1767 — 1807 гг.), адзін — пасля 1807 года.
Далей
Дзяжурны па нумары
У палац — з квітанцыяй?
Кастусь АНТАНОВІЧ, рэдактар аддзела газеты “Культура”
Хацелася б пачаць з нібыта рытарычнага пытання: што трэба жыхару Беларусі, каб вольна падарожнічаць па сваёй краіне? Здавалася б, дастаткова толькі жадання. Калі яно ёсць, тады і фінансавы аспект не такі ўжо і важкі: заўсёды можна дабрацца да той або іншай гістарычнай славутасці калі не на сваёй машыне ці аўтобусе, то на папутцы. На жаль, насамрэч не ўсё так проста.
Далей
На маю думку...
Сацыяльныя сеткі і культура без скепсісу
Валерый ДАЙНЭКА, заслужаны артыст Рэспублікі Беларусь, саліст ансамбля “Беларускія песняры”
Скажыце шчыра, ці змяняецца ваша стаўленне з нейтральнага на скептычнае, калі вы чуеце ў адной звязцы словы “сацыяльныя сеткі” і “культура”? Для мяне нейкай мяжы непрыняцця ў гэтым плане няма: я не пагаджуся, што масавасць альбо даступнасць такіх медыя зробяць культурнай прасторы “мядзведжую паслугу”, пазбавіўшы яе налёту элітарнасці.
Далей
Форум: гаворым пра актуальнае!
З чым “ядуць” беларускі медыеваль?
Зміцер САСНОЎСКІ, лідар гурта “Стары Ольса”
Як мне падаецца, чалавек пачынае граць тую музыку, якой яму ў жыцці не хапае. Патрэба ствараць музычны твор нараджаецца тады, калі сярод існай навакольнай музычнай культуры адсутнічае тое, што хацелася б слухаць. Калі б у 1997 — 1998 гадах узнік гурт, падобны да “Старога Ольсы”, я стаў бы ягоным фанам, ездзіў бы на яго канцэрты, працягваў надалей калекцыянаваць старыя інструменты, і нават не задумваўся б пра ўласную канцэртную практыку…
Далей
Ці патрэбен супергерой для нашай сферы?
Надзея ІЛЬКЕВІЧ, кіраўнік Цэнтра культурнага менеджменту
Ці патрэбны нам супергероі ў культуры? Скажам, у горадзе Мінску? А ў рэспубліцы наогул? Лепш без іх, бо цалкам дастаткова штодзённай дзейнасці, якая таксама прынясе свае вынікі? Проста, вынікі з’явяцца пазней, чым патрэбна, калі вада падточыць-такі камень. У такім выпадку я заўжды непакоюся пра тое, каб згаданае “пазней” не спазнілася настолькі, што і вынікі акажуцца марна страчаным часам.
Далей
Тэндэнцыі сферы
Небам адзіным…
З юрыдычнага гледзішча самалёт, як і карабель, з’яўляецца тэрыторыяй краіны, якой ён належыць. Такім чынам, для пасажыра “Белавія” Беларусь пачынаецца не ў час прызямлення ў нашым аэрапорце і нават не тады, калі самалёт уваходзіць у паветраную прастору краіны, а як толькі вандроўнік ступае на борт лайнера. Уражанне ж ад краіны наведання пачынае фарміравацца ў замежніка з таго моманту, як ён бачыць беларускі самалёт. Гэта не навіна. Нездарма, зыходзячы з логікі менеджменту, дызайнеры імкнуцца рабіць лагатыпы авіякампаній ды расфарбоўку самалётаў не толькі інфарматыўнай, але і вобразнай.
Далей
Праекты развіцця: культура рэгіёнаў
Ратавальнікі ці дэзерціры?
Скажы, што думаеш пра кансервацыю, і я скажу, хто ты…
Міжнародны навукова-практычны семінар “Інтэграцыйны падыход у кіраванні аб’ектамі сусветнай спадчыны” вонкава нагадваў чарговую “V.I.P.-тусоўку” для вузкага кола прафесіяналаў. Прынамсі, такую атмасферу стваралі шыкоўныя неакласіцыстычныя інтэр’еры Штаб-кватэры СНД, дзе праходзіла першае з пасяджэнняў. На наступны дзень шаноўныя госці з Арменіі, Азербайджана, Літвы, Расіі, Украіны перамясціліся ў Нясвіж, дзе ў значнай меры ўжо адноўлена радзівілаўская раскоша... Тым не менш, семінар не стаў “пратакольным” мерапрыемствам, якое ставіць за мэту засведчыць, што і ў нас ёсць чым ганарыцца. Многія з узнятых на яго пасяджэннях праблем маюць самае непасрэднае дачыненне да нашай не надта шыкоўнай пакуль паўсядзённасці.
Далей
Праекты развіцця
Прыгоды фондаў завяршаюцца?
Акцыя “К”: журналісцкі аўтапрабег па СДК і не толькі / Партрэт германавіцкай культуры ў вясковым інтэр’еры
Сёння — пра Германавічы. Дакладней — пра ўстановы культуры гэтай выбітнай вёскі. А адметная яна не толькі велічным касцёлам Перамянення Пана, узведзеным напрыканцы XVIII стагоддзя. На сёння ў палацы Шырыных, колішніх уладальнікаў паселішча, месціцца Германавіцкі музей культуры і побыту з унікальнай калекцыяй работ Язэпа Драздовіча — адзін з асноўных аб’ектаў нашай увагі пад час гэтага аўтапрабегу. Апроч усяго, жывуць і працуюць тут вельмі адметныя людзі-творцы, сустрэча ды размова з якімі для журналістаў — як шчаслівая знаходка. Ніяк не маглі адмовіць сабе ў гэтым задавальненні.
Далей
Prof-партфоліа
Там, дзе грэкі ішлі ў варагі…
Іскрынкі з гасцявой кнігі прыватнага вясковага музея
Давялося мне выступіць на навукова-краязнаўчай канферэнцыі, прысвечанай радаводу Лапацінскіх (Сар’я — Лявонпаль, 28 — 29 мая). А летам 1999 г. у Верхнядзвінску праходзіла І Рэгіянальнае свята мастацтваў Прыдзвіння “Дзвіна — Двина — Daugava”. У сваім музеі “насыціў” экспанатамі выстаўку, прысвечаную Янісу Райнісу: паспрыяла гэтаму праца вучоным сакратаром Літаратурнага музея Янкі Купалы. А ў 1999 годзе калегія ўпраўлення культуры Віцебскага аблвыканкама прысвоіла званне “народны” музею-сядзібе “Хата бабкі Параскі” Цэнтралізаванай бібліятэчнай сістэмы Верхнядзвінскага раёна” — за дасягненні па набыцці і захаванні гісторыка-культурнай спадчыны.
Далей
Соцыум: праблемны аспект культуры
Экскурсія ў фармаце он-лайн
“Віртуальны” і рэальны тур па музейных запасніках
Паведамленні пра музейныя праекты, зробленыя сумеснымі намаганнямі спецыялістаў з розных краін на гранты Еўрапейскага саюза або Праграмы развіцця ААН, ужо сталіся ў нашай газеце звыклымі. Згадаю хоць бы адзін такі прыклад, пра які “К” пісала не так даўно: Гудзевіцкі літаратурна-краязнаўчы музей, што ў Мастоўскім раёне Гродзенскай вобласці, атрымаў пад свой праект каля 200 тысяч еўра і цяпер можа пахваліцца новай экспазіцыяй ды сучасным тэхнічным абсталяваннем у музейных залах… Так, Гродзеншчына ў гэтым плане — рэгіён унікальны: міждзяржаўныя сувязі тут — сталыя ды моцныя, а праекты ладзяцца літаральна ў кожным раёне і ў розных сферах — пачынаючы ад сяброўства на ўзроўні народных калектываў ды заканчваючы міжнароднымі фестывалямі і сумеснымі праектамі. Але ж і ў самім Гродне не спяць у шапку. Напрыклад, у літаратурным аддзеле Гродзенскага дзяржаўнага гісторыка-археалагічнага музея (так цяпер называецца былы Музей імя Максіма Багдановіча пасля рэарганізацыі ўстановы) сёння завяршаецца праект па адной з праграм трансгранічнага супрацоўніцтва. Натуральна, прайсці міма падобнага досведу нельга…
Далей
аКно ў свет
Іх фольк
Алена ЛЯШКЕВІЧ, метадыст аддзела навукова-метадычнага забеспячэння дзейнасці па ахове гісторыка-культурнай спадчыны Інстытута культуры Беларусі
Калі вы лічыце, што фальклор у сучасным горадзе — гэта нешта цікавае старэйшаму пакаленню, то, мабыць, маеце на ўвазе Германію. Калі мяркуеце, што фальклорны рух — маладзёжная субкультура, то, хутчэй за ўсё, вам знаёмыя беларускія і польскія рэаліі. Калі з фальклорам у вас асацыююцца дзяржаўныя святы ды вялікія фестывалі на адкрытым паветры, то вы згадваеце Прыбалтыку. У Скандынавіі ж носяць народныя строі на дзяржаўныя і сямейныя ўрачыстасці, але фальклорная музыка не мае велізарнай папулярнасці, як у Літве ды Латвіі. Польскія і шведскія рэаліі прапаную параўнаць на прыкладзе двух фестываляў.
Далей
Музей пад прыватную калекцыю: чаму б і не?
Падзялюся “нататкамі на палях” семінара “Прыватнае калекцыянаванне і сучасны музей”. Агучанае на сустрэчы можа быць цікавым як у кантэксце стварэння музеяў ды галерэй у нашай краіне, так і адносна прынцыпаў фарміравання калекцый.
Далей
Prof-партфоліа:досвед прафесіяналаў у культуры Крытычная маса
Медыум і тры “як”
Маладая фатаграфія Беларусі: паміж фактам і выдумкай
Адной з вартасцей Месяца фатаграфіі ў Мінску стала магчымасць цеснага знаёмства з маладой беларускай фатаграфіяй. Тры персанальныя выстаўкі — Віктара Гіліцкага, Аляксандра Веледзімовіча, Аляксея Шлыка і Алега Шоблы (аўтараў, чые работы вядомыя не толькі нашай публіцы), — мультымедыйная прэзентацыя праекта “Сонны лес” Міхаіла Лешчанкі і таго ж Шлыка, выстаўка дзіцячай фатаграфіі з Паставаў — падзеі злучыліся ў блок, які дае ўяўленне пра тэндэнцыі ў гэтым сегменце.
Далей
art-блог
Не “Доктар Хаус”
Пра павелічэнне нараджальнасці праз кіно
Дэмаграфічнае пытанне — адно з вострых. Самых актуальных, так бы мовіць. У эпоху “асабістага росту” ды “персанальнага поспеху” і ў грамадзян, і ў грамадзянак, на жаль, часу на нараджэнне, а тым больш — на выхаванне дзяцей, застаецца не так і шмат. У пагоні за фінансавым дабрабытам ды жыццёвым камфортам сучасны чалавек вельмі часта грэбуе самым важным з таго, для чаго яго прызначыла прырода. Тое, што і бацькоўства, і мацярынства прыносяць галоўную радасць у жыцці, многія, асабліва маладыя, пачынаюць разумець не адразу, часам занадта позна.
Далей
Хто ўсё лепшае прыдумаў за нас?
Мікалай Шкут: мастак, улюбёны ў прыроду
Карціны Мікалая Шкута, дацэнта кафедры выяўленчага мастацтва мастацка-графічнага факультэта Віцебскага дзяржаўнага ўніверсітэта імя П.М. Машэрава, вядомыя не толькі віцебскім аматарам жывапісу. Работы мастака неаднаразова экспанаваліся ў сталіцы нашай рэспублікі, Расіі, Польшчы, Эстоніі, Германіі, Ізраілі, Вялікабрытаніі. Многія нашы суайчыннікі і грамадзяне суседніх краін могуць пахваліцца тым, што папоўнілі свае прыватныя калекцыі яго жывапіснымі акварэлямі.
Далей
ART-блог: беларускае мастацтва
“Тата” прыйшоў
“Тата” — так назвалі новы спектакль у Нацыянальным акадэмічным тэатры імя Янкі Купалы паводле п’есы Дзмітрыя Багаслаўскага “Ціхі шоргат сыходзячых крокаў” (у новым перакладзе — “Ціхі шолах развітальных крокаў”).
Далей
Які “Індэкс празрыстасці”?
У Гомелі прадстаўлена шкляная канцэптуалістыка
Індэкс празрыстасці акрэсліваецца градусам адкрытасці і шчырасці соцыуму. Ён выступае катэгорыяй меры балансу і дысбалансу, напоўненасці і пустэчы, названага і ўяўнага. Гэтай жа мерай вымяраецца сусвет у мастацтве шкла. Шкло — амаль адзіны прыродны матэрыял, здольны адкрываць прыхоўваючы, даючы магчымасць дакрануцца — нават без тактыльнага дотыку.
Далей
вяртанне імёнаў
“Мяне двойчы вывозілі на расстрэл…”
Што вы ведаеце пра Аляксандра Мазалёва?
Гэтыя словы належаць Аляксандру Пятровічу Мазалёву, таленавітаму беларускаму жывапісцу, графіку і педагогу, які ў час Вялікай Айчыннай прайшоў цяжкі шлях мужнага падпольшчыка ды вязня фашысцкіх канцлагераў, а скончыў сваю вайну гвардыі радавым Чырвонай арміі. І, нягледзячы на цяжкае раненне ў галаву, — да канца свайго нядоўгага жыцця працягваў рабіць улюбёную справу: маляваць Радзіму ды выхоўваць маладое пакаленне мастакоў…
Далей
На людным месцы
Хто сярод сельскіх лепшы?
На Касцюковіччыне прайшоў VIII Раённы фестываль народнай творчасці “Крыніца душы”.
Далей
Па дзевяці маршрутах
Цяжка сказаць, якім было б жыццё ў аддаленых і маленькіх населеных пунктах нашага раёна без, напрыклад, аўтакрамы, перасоўнай пошты… А што рабіць, калі хочацца пачытаць новую кнігу, пагартаць часопіс, а бібліятэкі паблізу няма? У такіх выпадках жыхарам Маларытчыны на дапамогу прыходзіць бібліобус, або, як яго яшчэ называюць, бібліятэка на колах. Без яе вясковы побыт цяпер ужо і ўявіць цяжка.
Далей
Суботнія сустрэчы
Пра тых, хто “даязджае” — і застаецца
“Няхай будзе “Ленінкай”: кансерватызм бібліятэкі — толькі ў назве
На пытанні “К” адказвае новы дырэктар Гомельскай абласной універсальнай бібліятэкі імя У.І. Леніна Марына РАФЕЕВА. З ёй мы пазнаёміліся на II Міжнародным кангрэсе “Бібліятэка як феномен культуры”. Марына Сяргееўна прыехала ў Мінск, каб распавесці калегам пра абласны конкурс прафесійнага майстэрства як спосаб творчай самарэалізацыі — дадатак да Рэспубліканскага спаборніцтва “Бібліятэка — асяродак нацыянальнай культуры”… Сустрэча ў кангрэсаўскіх кулуарах перарасла ў інтэрв’ю пра надзённы клопат устаноў сферы на Гомельшчыне.
Далей
Паралелі
Чалавечае аблічча музыкі
Сафія ГУБАЙДУЛІНА, кампазітар: Расія — Германія
— Мастацтва — гэта такая таямніца, якую нельга выказаць словамі. Тэхналогіі, выкарыстанне электронікі, разнастайнай “разумнай машынерыі” будзе, безумоўна, удасканальвацца і прывядзе да неверагодных вынікаў. Але мяне больш за ўсё хвалюе не тое, ці заменіць машына чалавека, а — сам чалавек. Ці не будзе ён, калі пойдзе па машынізаваным шляху, пакутаваць? Ці не акажацца прыгнечаны стан ягонай душы?..
Далей
Non fiction
“Па ходу, “крэйда”
Адгадаць, а не прыгадаць, або “Валера, это позор!”
Як пяецца ў адной вядомай сучаснай песні, “галоўнае — не што, а як”. Пра гэтую зусім не новую ісціну мне падумалася, калі суботнім вечарам у айчынным шоу “100 мільёнаў” на канале Агульнанацыянальнага тэлебачання двое маладога веку мужчын хаатычна перакладалі тоўстыя пачкі з грашовымі знакамі са стойкі на стойку. Яны спрабавалі адгадаць, якое ж слова рускай мовы абазначае беларускае “крэйда” (так, менавіта адгадаць, а не прыгадаць). Варыянты адказаў: “стол”, “карандаш”, “мел”, “фломастер”. Вам патрэбна хвіліна на роздум?
Далей
Тактыка культурнага развіцця
У Надзеі ёсць надзея
Даведаўся і парадаваўся: пасля двухгадовага рамонту 27 верасня адкрыўся Хоцімскі раённы гісторыка-краязнаўчы музей. Даўно там не быў. Патэлефанаваў і дазнаўся, што два супрацоўнікі (столькі іх пасля аптымізацыі) заняты з экскурсантамі, а кіраўнік Надзея Барадзіна паехала ў Магілёў па дамову аб камерцыйнай выстаўцы. Музей працуе напоўніцу, у тым ліку — і на перспектыву.
Далей
Фотасюжэт нумара
"Беларускія песняры" + "Lipnitsky Show Orchestra": фотарэпартаж з канцэрта 21 лістапада
21 лістапада "Беларускія песняры" далі вялікі канцэрт у мінскім Палацы Рэспублікі ў суправаджэнні "Lipnitsky Show Orchestra". Прапануем фотарэпартаж з падзеі.
Далей
Каментарыі (6)
"Мірскі замак у кіно"
Сёння ў сталічным кінатэатры "Перамога" адкрываецца выстаўка пад такой назвай. На ёй будуць прадэманстраваны кадры з фільмаў, месцамі здымак якіх станавіліся перліны беларускага дойлідства. А пасля вернісажу ў рамках фестывалю "Лістапад" адбудзецца паказ адной з такіх стужак — польскай карціны "Пан Тадэвуш" 1928 года.
Далей
Рэпліка пра...
Погляд на трывогі сучаснасці
Наталля ШАРАНГОВІЧ, кіраўнік Цэнтра сучасных мастацтваў, камісар Нацыянальнага павільёна Рэспублікі Беларусь на 56-м Венецыянскім біенале:
— Пасля невялічкага перапынку наша краіна вяртаецца на Венецыянскі біенале. Налета найбуйнейшая ў свеце выстаўка сучаснага мастацтва займее Нацыянальны павільён Рэспублікі Беларусь. А першым крокам да яго стварэння стаў конкурс куратарскіх канцэпцый, аб’яўлены 5 лістапада.
Далей
Колькі слоў пра бібліятэкараў
Ніна ТУРОЎСКАЯ, былы бібліятэкар:
— Прыемна чытаць на старонках “К” артыкулы аб дзейнасці бібліятэк! Таксама хочацца падзякаваць праз газету начальніку аддзела ідэалагічнай работы, культуры і па справах моладзі Валожынскага райвыканкама Вікенцію Адамовічу, які прыязна ставіцца да гэтых устаноў. Мы з ім згодныя ў меркаванні, што трэба разумна падыходзіць да рэарганізацыі клубаў і бібліятэк. Сапраўды, скасаваць лягчэй, чым наладзіць працу па-новаму...
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |