Свежы нумар
"К" інфармуе
Такім стане помнік...
Абвешчаны летась Міністэрствам культуры нашай краіны творчы конкурс на лепшы эскіз помніка народнаму артысту СССР, народнаму артысту Беларусі, стваральніку і кіраўніку легендарнага ансамбля “Песняры” Уладзіміру Мулявіну для горада Екацярынбурга завершаны. У трэцім, апошнім, туры, які адбыўся 19 лютага бягучага года, журы (старшыня — першы намеснік міністра культуры Рэспублікі Беларусь Уладзімір Карачэўскі) у выніку тайнага галасавання лепшым прызнала эскізны праект скульптара Сяргея Логвіна.
Далей
Соцыум
Скажы мне, што ты танчыш...
Сёння прапануем вашай увазе тры пазіцыі адносна папулярызацыі народнага танца.
Першым меркаваннем падзяліўся наш чытач. Два другія — ад журналістаў нашай рэдакцыі. А якой бачыцца вам, шаноўныя чытачы, будучыня беларускай нацыянальнай харэаграфіі? Чакаем лістоў!
Далей
Форум
“ПесняРок-2”: быць або не быць?..
Ідэя рэдакцыі газеты Культура”: замест бясконцай мітрэнгі клонаў — годны трыб’ют "Песнярам"!
Да 45-годдзя ансамбля “Песняры”, што адзначаецца ўвосень, мы прыгадваем акцыю, якая адбылася ў 1997-м, калі з’явіўся дыск “ПесняРок”. Альбом склалі кампазіцыі калектыву ў выкананні альтэрнатыўных беларускіх артыстаў. Пакуль дакладна не вядома, як адсвяткуюць дату вялікага гурта, але, верагодна, з’явіцца працяг трыб'юта. (Дарэчы, ідэя новай версіі належыць рэдакцыі газеты!) “К” звярнулася да людзей, якія мелі дачыненне да “ПесняРоку” ў 1997-м, каб яны падзяліліся сваімі ўспамінамі і выказаліся, ці пагадзіліся б прыняць удзел у “сіквеле”. Акрамя таго, у матэрыяле пра “Песняроў” і праект разважае цяперашняе пакаленне музыкантаў, а таксама тыя, ад каго залежыць, ці быць “ПесняРоку-2” наогул...
Далей
Трэба абмеркаваць!
Ці прасунуць фестывалі айчынную музыку?
Існуе пэўная колькасць спосабаў прыцягнення грамадскай увагі да музычнай творчасці сучасных выканаўцаў: міжнародныя форумы, музычныя рынкі, шоукейс-фестывалі. На адным з апошніх — Tallin Music Week, найбуйнейшым ва Усходняй Еўропе, — ад нашай краіны ўпершыню выступяць адразу тры калектывы: рок-гурты “Пятля часу”, “Super Besse” і фольк-гурт “Ветах”. Дык ці мае сэнс для айчынных выканаўцаў удзел у падобных форумах? Ці можа гэта быць эфектыўным для прасоўвання айчыннай музычнай культуры ў замежную прастору? Ці могуць невядомыя калектывы з раёнаў і абласцей быць адабраны для ўдзелу?
Далей
Дзяжурны па нумары
Незадаволены аўтар. Публіка — таксама?
Ілья СВІРЫН, рэдактар аддзела газеты “Культура”
Скульптура Паўла Вайніцкага “Дарога ў будучыню” ў мінскім парку Перамогі і мемарыяльны знак, створаны Максімам Петрулём на месцы дома, дзе нарадзіўся яго цёзка — паэт Багдановіч, пакуль яшчэ не адкрыты і нават не завершаны. Тым не менш, зацікаўленая публіка ўжо ахвотна іх абмяркоўвае. Што вытлумачальна: ці не ўпершыню надзвычай сур’ёзныя тэмы былі адлюстраваны праз творы, несумненна прыналежныя да contemporary art.
Далей
На маю думку...
Глабалізацыя і... наш стыль
Ігар ВУГЛІК, культуролаг, кандыдат гістарычных навук, дацэнт
З пачаткам працэсаў глабалізацыі свет культуры атрымаў новы стымул для пошуку этнакультурнага імунадэфіцыту. Побач з пазітыўнымі рысамі — распаўсюджваннем масавага прадукту — глабалізацыя нясе пагрозу нівеліроўкі нацыянальных культурных асаблівасцей. Таму супраць яе змагаюцца праз узмацненне моўнай палітыкі (згадаем барацьбу ў Францыі супраць англійскай мовы), падтрымкай этнічных аўтэнтычных культурных асаблівасцей — ад побытавых звычаяў да вытворчасці ежы і напояў.
Далей
Форум: гаворым пра актуальнае! Тэндэнцыі сферы
Сваё ж не гучыць і ў рынгтонах...
Беларускі саюз кампазітараў: партрэт з “прыкметамі часу”
80-годдзе Беларускага саюза кампазітараў сталася адной з самых значных падзей нашай нацыянальнай культуры апошняга часу. Афіцыйная ўрачыстасць прыпала на снежань, але канцэртныя прэзентацыі старых і новых твораў, прымеркаваныя да юбілею, ішлі цягам некалькіх месяцаў і, можна сказаць, працягваюцца дагэтуль. Святкаванне ў той ці іншай ступені закранула практычна ўсе творчыя калектывы краіны. Некаторыя рыхтавалі асобныя праграмы, іншыя, уключаючы ў свае выступленні беларускую музыку, пазначалі на афішах: маўляў, “да 80-годдзя”. Якой жа паўсталі на гэтых паказах айчынная класіка і сучаснасць?
Далей
Праекты развіцця
Пазабюджэт? Чаму б не з... сутарэнняў!
У Гомелі — пра рамонты, рэканструкцыі, тып сучаснага кіраўніка ў сферы культуры і рэалістычнае стаўленне да фінансаў
Сустрэчы ў Гомелі з прадстаўнікамі тамтэйшых устаноў культуры, апроч усяго іншага, запомняцца мне і тым, што іх кіраўнікі выношваюць шмат планаў. Тут вам і шыкоўныя вароты, якія, магчыма, маюць стаць галоўнай брамай Гомеля, і поўнае абнаўленне будынка, што не рамантаваўся 35 гадоў, і пераезд устаноў у новае памяшканне, і шмат чаго яшчэ. Ці хопіць у бюджэце сродкаў на гэтыя праекты? Мяркуючы па тым, як фінансавалася гомельская культура ў 2013-м, як зарабляла на сябе сама ды ўзаемадзейнічала са спонсарамі, і сёлета надзеям наканавана спраўдзіцца. Гомель стаў пятым у ланцужку абласных цэнтраў, дзе мы даследавалі, як фінансуюцца ўстановы культуры...
Далей
Prof-партфоліа
Сабекошт ідэі, зніжаны ў сем разоў
Як стварыць раённы дзіцячы тэатр з міжнародным прызнаннем?
Аддзел ідэалагічнай работы, культуры і па справах моладзі Дзятлаўскага райвыканкама, мясцовыя РДК і Беларускі гульнявы тэатр роставых лялек “Dolls4All” даслалі ў нашу рэдакцыю запрашэнне на Першы Адкрыты фестываль-карнавал роставых лялек і гульнявых праграм “Дасканалы свет казкі”, які запланаваны на 1 мая. Мы зацікавіліся: што за тэатр? Што за фестываль? У выніку высветлілася, што амбіцыйнасць дзятлаўскіх работнікаў культуры мае сур’ёзнае абгрунтаванне. У тым ліку і фінансавае.
Далей
Праекты развіцця: культура рэгіёнаў
Семінар пад гармонік
У аграгарадку “Бацэвічы” прайшоў раённы семінар для работнікаў культуры “Метады адраджэння танцавальных традыцый Клічаўшчыны”. Арганізоўвала мерапрыемства ў фармаце танцавальнай вечарыны загадчык Цэнтралізаванай клубнай сістэмы Клічаўскага раёна Жанна Ачыновіч.
Далей
Стратэгія начальніка аддзела
А вы чулі ў вёсцы джаз?
Павел ГРАФУТКО, Смалявіцкі райвыканкам:
У сферы культуры Смалявіцкага раёна — 46 устаноў культуры, 249 супрацоўнікаў. Больш за 90 працэнтаў спецыялістаў маюць вышэйшую і сярэднюю спецыяльную адукацыю. У 171 клубным фарміраванні — амаль дзве тысячы ўдзельнікаў. 18 калектываў — народныя і ўзорныя. Летась было праведзена больш за тры тысячы мерапрыемстваў.
Далей
ІПК: Інстытут павышэння кваліфікацыі
Цмокі — не неруш!
Ці прыдасца вопыт спартыўнага маркетынгу ў культуры?
У якіх стасунках айчынны спорт з культурай наогул і культурай маркетынгу ў прыватнасці? Вартым увагі падаецца прыклад баскетбольнага клуба “Цмокi-Мiнск”, дзе дырэктар Цэнтра эканамічнага развіцця і спартыўнага маркетынгу Аляксандр Куль звярнуўся па дапамогу да беларускай міфалогіі, каб стварыць адметную канцэпцыю для брэнда каманды. У мінулым цэнтравы беларускай зборнай ды пераможца Маладзёжнага Чэмпіянату Еўропы 1994 года, ён прыдумвае іміджавыя хады, папулярызуючы нацыянальную культуру.
Далей
Соцыум: праблемны аспект культуры art-блог
Кастынг фантомаў
Сяргей Грыневіч з Гродна працуе ў моднай жывапіснай манеры: карціны, падобныя да апрацаваных у “Фоташопе” здымкаў. За мяжой найлепшыя ўзоры гэтага трэнду за шалёныя грошы прадаюцца з аўкцыёнаў "Крысці" і "Сотбіс". Зрэшты, і сам Грыневіч — адзін з рэдкіх айчынных мастакоў, якія інтэграваліся ў міжнародны арт-працэс. Але выстаўка “Кастынг”, прадстаўленая ім у Музеі сучаснага выяўленчага мастацтва, была не пра гэта. Зусім не пра гэта!
Далей
На фотахвалі...
Пачатак асэнсавання феномену?
Альбом “Новая хваля. Беларуская фатаграфія 1990-х” — выданне, якое чакалі, пра якое гаварылі, — стаўся першым, што пазначыў феномен творчай фатаграфіі Беларусі ў кантэксце гісторыі мастацтва. Сама “новая хваля” — з’ява, што адбылася ў фатаграфіі і, шырэй, культуры Беларусі ў 80 — 90-я гады ХХ стагоддзя. Унікаючы ў гэты феномен, дзіву даешся: як так здарылася, што сёння пра яго існаванне ведае абмежаванае кола людзей? І якія рэчы мы пакідаем у спадчыну даследчыкам...
Далей
“Прастора” вандроўніка
Тры гады таму, працуючы над новай сцэнічнай версіяй оперы “Аіда” Дж.Вердзі, Вялікі тэатр оперы і балета Беларусі звярнуўся да творчай спадчыны Яўгена Чамадурава, які першым у СССР стварыў такую "егіпецкую" сцэнаграфію да гэтага спектакля. А яна ўвайшла ў класіку сусветнага дэкаратарскага мастацтва (упершыню опера зрабіла аглушальны фурор у 1955-м у Бухарэсце). І вось зараз, адзначаючы 100 гадоў з дня нараджэння народнага мастака Беларусі, лаўрэата Сталінскай прэміі Яўгена Чамадурава, тэатр ізноў нядаўна паказаў згаданы спектакль па “матывах” той самай сцэнаграфіі.
Далей
Prof-партфоліа:досвед прафесіяналаў у культуры
“Гараджанкі” з “фотапалявання”
Гродзенская журналістка і фатограф Наталля Дораш прадставіла выстаўку “Гараджанкі”, што з’яўляецца часткай вялікага праекта “Жыхары Гродна”. Партрэты сарака дзяўчынак, дзяўчат і жанчын упрыгожылі сцены галерэі “У майстра”.
Далей
Рэйтынг ідэй з інтэрнэт-прасторы
Чым горад не музей?
Узоры мастацтва, у класічным увасабленні, вартыя музейнага экспанавання і адпаведнага гледача. Але што рабіць, калі тыя самыя музеі страчваюць увагу значнай часткі патэнцыйных наведвальнікаў? У такім выпадку трэба для пачатку проста выйсці за межы будынка.
Далей
вяртанне імёнаў
L.B. Народжаны ў Мінску
"Вялікі і жахлівы" першы прадзюсар "залатога веку" Галівуда
Менавіта так называлі яго калегі і сябры па кінематографе. L.B. — гэта ініцыялы імя Луіса (Лазара) Барта Маера, знакамітага на ўвесь свет заснавальніка найбуйнейшай кінакампаніі Галівуда — “Metro-Goldwyn-Mayer” (MGM) і Акадэміі кінематаграфічных мастацтваў, той самай, якая прыдумала штогадовую прэмію “Оскар”. Так, нягледзячы на амерыканскае паходжанне “Оскара”, “бацькам” яго быў ён, эмігрант з Беларусі Лазар Маер, які ў гісторыю кіно увайшоў як Луіс Маер — першы сярод усемагутных прадзюсараў “залатога веку Галівуда”, "кароль" легендарнай студыі, “вялікі і жахлівы” маленькі чалавек, чый ціхі голас мог напалохаць больш, чым крык Тарзана-Вайсмюлера і рыканне звяр’я з фільма 1932 года, зробленага на яго студыі.
Далей
ART-блог: беларускае мастацтва На людным месцы
Свята агню з елкай
Такая сустрэча цягам не аднаго стагоддзя адбываецца ў вёсцы Новае Палессе Лельчыцкага раёна.
Далей
Школа танцаў і не толькі...
Адбыўся творчы вечар, прысвечаны 20-годдзю ўзорнага фальклорнага ансамбля "Верабейкі" Любанскага раённага цэнтра культуры.
Далей
Вучыліся рэжысёры
6 — 7 лютага на Віцебшчыне знаходзілася дэлегацыя спецыялістаў Цэнтра нацыянальнай культуры Латвіі (Рыга).
Далей
Гістарыёграф
Кухмістр меў ідэю...
Смачная гісторыя: пра першую кулінарную кнігу Рэчы Паспалітай
Што мы ведаем пра кухараў мінулага? Верныя слугі гаспадароў і сапраўдныя прафесіяналы сваёй справы. Майстры, якія цягам стагоддзяў дазвалялі ўспрымаць кулінарыю як мастацтва, а кухара — як сапраўднага творцу і мастака. Ці ведаеце вы, напрыклад, што не толькі Францыя ды Італія маглі пахваліцца выдатнымі на ўвесь свет кухарамі? Была на іх багатая і наша родная зямля: кухмістры, стольнікі, крайчыя, чашнікі і піўнічыя. Дзякуючы ім банкеты, што ладзілі магнаты і шляхта Вялікага Княства Літоўскага, засланялі каралеўскія і служылі тэмай для размоў цягам доўгага часу.
Далей
Тыдзень супрэматызму
Тыдзень супрэматызму праходзіць 17 — 23 лютага ў Мінскім дзяржаўным мастацкім каледжы імя А.К. Глебава
Далей
Ці ратаваў “Парадак ад агню”?
У Гродне з пажарамі змагаліся Бона Сфорца і Эліза Ажэшка
Упершыню ў гісторыі Гродна пра пажарную справу горада, яе гісторыю і вытокі стварылі цэлую кнігу. Называецца яна — “Агняборцы Гродзеншчыны. Гісторыя і традыцыі мужнасці”. Аўтар выдання, што складаецца з архіўных дакументаў і фатаграфій, — дырэктар Музея пажарнай справы Ірына Качан.
Далей
Суботнія сустрэчы
Сур'ёзны сцэнарыст сіткамаў
Розніца паміж ільвом і тыграм: камерцыя і “фастфуд экрана” ды тое, што “ўнутры”
Сталыя наведвальнікі аднаго мінскага кафэ, напэўна, прызвычаіліся ўжо да таго, што часцяком за адным са столікаў могуць пабачыць вядомую асобу. Андрэй ДЗЯРКОЎ з калегамі выбраў установу ў якасці творчай лабараторыі для напісання сцэнарыяў серыялаў расійскага забаўляльнага тэлеканала. Не першы год яны збіраюцца тут, і нараджаюцца з-пад іх камп’ютарных пёраў шматлікія персанажы, якія кагосьці з гледачоў захапляюць, а кагосьці — раздражняюць. Тут аўтарская група ламала галовы над працягам сіткама “Светлафор” і прыступала да таго ж працэсу з серыялам “Апошні з Магікян”, першы сезон якога не так даўно трансляваўся і на Беларусі.
Далей
Вяртаючыся да надрукаванага
Які лёс чакае “Берагіню”?
Публікацыя ў “К” артыкула этнахарэографа і заснавальніка фестывалю “Берагіня” Міколы Козенкі выклікала немалы рэзананс сярод нашых чытачоў, якія занепакоены далейшым лёсам гэтага ўнікальнага этнапраекта. Сёння мы публікуем іхнія лісты.
Далей
Фотасюжэт нумара
Другое нараджэнне дома Орды: што патрэбна, каб "уздзвігнуць гару"...
Газета "Культура" працягвае сачыць за ўзнаўленнем родавага гнязда Ордаў на Іванаўшчыне ва ўрочышчы Чырвоны Двор. Днямі наш фотакарэспандэнт змог зафіксаваць чарговы этап пераўтварэнняў у гэтым кутку...
Далей
Страта
ВАШЧАНКА Гаўрыла Харытонавіч
Беларускае мастацтва панесла цяжкую страту.
14 лютага 2014 г. на 86-м годзе жыцця перестала біцца сэрца народнага мастака Беларусі ВАШЧАНКІ Гаўрылы Харытонавіча.
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |