Свежы нумар
Мастыхін
Сакавітая нізка ў зялёным і ружовым
У гарадской мастацкай галерэі твораў Л.Д. Шчамялёва працуе выстаўка пад назвай “Правінцыйная нізка”. Яна працягвае традыцыю так званых “акварэльных серый” галерэі, дае магчымасць пазнаеміцца з не зусім звыклым поглядам мастака на адлюстраванне роднага краю. Аўтарам работ з’яўляецца беларускі мастак з горада Стоўбцы — Уладзімір Несцярук.
Далей
“Зіхаценне” віртуозных гульняў
21 кастрычніка ў Нацыянальным мастацкім музеі адбудзецца адкрыццё юбілейнай выстаўкі заслужанага дзеяча мастацтваў Беларусі, лаўрэата Дзяржаўнай прэміі краіны, прафесара Уладзіміра Тоўсціка пад назвай “Падарожжа па мінулых стагоддзях”. Такая назва не выпадковая: яна ў жывапісе 60-гадовага мастака мае свой, асабісты, сэнс.
Далей
“Вылячэнне рэалізмам”
З 15 кастрычніка па 3 лістапада ў Канцэртна-выставачнай зале Смольнага манастыра Ісакіеўскага сабора Санкт-Пецярбурга працуе мастацкая выстаўка “Вылячэнне рэалізмам” з прысвечанага збору ігумена Віталія (Радамысльскага), складзеная з твораў сучаснай беларускай класікі: работ Георгія Паплаўскага, Наталлі Паплаўскай і Мікалая Бушчыка.
Далей
Родная зямля: час крэатыву
Калі запрацуе “культурны” паром?
Рэдакцыя “К” зладзіла “круглы стол” з удзелам кіраўніцтва абласных упраўленняў культуры напярэдадні прафесійнага свята галіны. Тэма гаворкі была наўпрост звязана з перспектывамі развіцця культуры з улікам сённяшняга эканамічнага становішча і неабходнасці няўхільнага ўдасканалення пазабюджэтнай дзейнасці кожнай установы. У мерапрыемстве прынялі ўдзел начальнікі ўпраўленняў культуры аблвыканкамаў: Гродзенскага — Аляксандр ЛОЙКА, Віцебскага — Мікалай ПАШЫНСКІ, Гомельскага — Дзмітрый ЧУМАКОЎ; намеснік начальніка ўпраўлення культуры Мінскага аблвыканкама Святлана БАРАНОК; дырэктар Рэдакцыйна-выдавецкай установы “Культура і мастацтва”, галоўны рэдактар газеты “Культура” Людміла КРУШЫНСКАЯ, рэдактары аддзелаў “К” Таццяна КОМАНАВА і Яўген РАГІН.
Далей
Лепшыя ў Вялікім
Нацыянальны акадэмічны Вялікі тэатр оперы і балета Рэспублікі Беларусь 8 кастрычніка гасцінна адкрыў дзверы перад работнікамі культуры з усёй краіны. У абноўленым сёлета храме муз адбылося ўшанаванне лепшых з лепшых у галіне.
Далей
"К" інфармуе
Мастацкая — у цэнтры ўвагі
У Кішынёве прайшоў IV Форум творчай і навуковай інтэлігенцыі дзяржаў — удзельніц СНД. Прадстаўнічае мерапрыемства сабрала больш за 400 вядомых палітыкаў, грамадскіх дзеячаў, навукоўцаў, людзей культуры і мастацтва.
Далей
Форум: гаворым пра актуальнае!
Хто спадчыннікі Купалы?
Дзевяты раз Дзяржаўным літаратурным музеем Янкі Купалы і Міжнародным фондам, што носіць імя паэта, ладзяцца Міжнародныя Купалаўскія чытанні. 14 кастрычніка з гэтай нагоды ў зале музея сабраліся навукоўцы Беларусі і замежжа.
Далей
Манускрыпт у электроннай абалонцы
Надзвычай актуальнымі сёння з’яўляюцца пытанні распрацоўкі і рэалізацыі дзяржаўных праграм і міжнародных праектаў у галіне фарміравання электронных бібліятэк. Гэта адзначыў дырэктар Нацыянальнай бібліятэкі Беларусі Раман Матульскі на адкрыцці V Міжнародных кнігазнаўчых чытанняў “Электронныя бібліятэкі і ліквідацыя інфармацыйнай няроўнасці”.
Далей
Статус каштоўнасці — шапавалам
На чарговым пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь прынята рашэнне: надаць статус гісторыка-культурнай каштоўнасці творчасці майстроўшапавалаў Дрыбінскага раёна Магілёўскай вобласці. Гэтыя майстры валодаюць унікальнай і рэдкай тэхналогіяй, якая рэалізуецца пры вытворчасці валюшных вырабаў з воўны.
Далей
Праекты развіцця: культура рэгіёнаў
“Дуэтная” восень
20 кастрычніка адкрываецца XXXVI Міжнародны фестываль мастацтваў “Беларуская музычная восень”. Свята, хай і не такое працяглае, як звычайна (два з паловай тыдні замест месяца), абяцае пакінуць шмат уражанняў.
Далей
Максімальная адпаведнасць
Пытанні рэстаўрацыі Нясвіжскага палацава-паркавага комплексу ці не адны з найбольш актуальных у сферы захавання матэрыяльнай спадчыны нашай краіны.
Далей
“Лістапад-2009”: у кожнай з праграм
Адразу дзве айчынныя поўнаметражныя ігравыя стужкі будуць удзельнічаць у конкурснай праграме ХVІ Мінскага міжнароднага кінафестывалю “Лістапад”. Нашу краіну на галоўным беларускім кінафоруме будуць прадстаўляць карціны “Інсайт” Рэнаты Грыцковай і “Снайпер. Зброя помсты” Аляксандра Яфрэмава.
Далей
Соцыум: праблемны аспект культуры
Ёсць “К”антакт!
Гэты тыдзень, калі “Культура” адзначыла свой васемнаццаты дзень нараджэння, для пастаянных наведвальнікаў сайта www.kimpress.by азначыўся мноствам абнаўленняў. Інтэрнаўты, зазірнуўшы на нашу старонку, мусіць, адразу заўважылі яе рэдызайн.
Далей
Манетнае сузор’е перамог
Міжнародны конкурс “Манетнае сузор’е-2009” вызначыў лепшыя манеты са 176 экземпляраў з больш чым 20 краін свету. Шэраг узнагарод заваявалі і памятныя манеты Нацыянальнага банка Рэспублікі Беларусь: ён прадставіў у 6 намінацыях 15 залатых і сярэбраных памятных манет, якія былі выпушчаны ў 2008 годзе.
Далей
Тэрыторыя новага
У Нацыянальнай бібліятэцы Беларусі праходзіць I Мінскі міжнародны фэст лічбавага мастацтва “Terra Nova”. Дзейнічае выстаўка камп’ютэрнай графікі і лічбавага фота, наладжаны прагляд твораў відэа-арта, кароткаметражных фільмаў, рэкламных ролікаў, лічбавай анімацыі, відэакліпаў. Працуе таксама тэматычная кніжная выстаўка “Сакрэты лічбавага мастацтва”.
Далей
Prof-партфоліа:досвед прафесіяналаў у культуры
“...Трусік” пад сланечнікам
Выканаўчым прадзюсерам Міжнароднага дзіцячага конкурсу песні “Еўрабачанне-2010” у Мінску на два гады стаў намеснік старшыні Нацыянальнай дзяржаўнай тэлерадыёкампаніі Аляксандр Мартыненка. А вось да дзіцячага “Еўрабачання-2009” застаўся літаральна месяц.
Далей
Соцыум
Калі спрацуе «прынцып даміно”?
Адным з самых важных пытанняў для работнікаў культуры рэгіёнаў паўстае наступнае: як зрабіць так, каб новае пакаленне, выбраўшы прафесію, заставалася ў ёй, працягваючы і развіваючы здабыткі старшых калег? У апошнія гады з гэтай мэтай у сярэдніх спецыяльных установах адукацыі галіны павялічваюць набор моладзі менавіта з тых рэгіёнаў, дзе яны і знаходзяцца. Адпаведна, выпускнікам цяпер часцей прапаноўваюць размеркаванне ў родныя мясціны, што значна спрашчае, у прыватнасці, жыллёвае пытанне. Аднак вытрымліваецца падобны прынцып не ўсюды. З аднаго боку, гэта не з’яўляецца асаблівай трагедыяй для маладых спецыялістаў, але, разам з тым, не маючы спрыяльных жыллёвых умоў, яны шукаюць лепшага ў гарадах.
Далей
Акцэнт на рэальныя патрэбы
- У апошнія гады працэс размеркавання і працаўладкавання выпускнікоў сярэдніх спецыяльных навучальных устаноў краіны значна палепшыўся. Калі раней працэнт выпускнікоў, якія маюць права самастойнага працаўладкавання з-за адсутнасці працоўных месцаў быў дастаткова вялікі, то летась такое права мелі толькі тыя, у каго былі льготы. Гады тры таму многія выпускнікі не маглі знайсці для сябе работу пасля сканчэння вучобы, нават бюджэтнікі працаўладкоўваліся свабодна. Сёння такой сітуацыі амаль не назіраецца, бываюць рэдкія выпадкі: да прыкладу, у Брэсцкай вобласці выкладчык флейты быў не патрэбны, то цягам некалькіх месяцаў мы знайшлі яму працу ў іншым месцы. Каля 45% выпускнікоў едуць у сельскую мясцовасць, з іх прыкладна 30% - у аграгарадкі.
Далей
ART-блог: беларускае мастацтва
Падтрымка без “кабалы”
“Галоўны беларускі прадзюсер — гэта дзяржава!” Гэтая фраза настолькі часта гучыць у інтэрв’ю дзеячаў шоубізнесу, што стала ўжо бадай прымаўкай. Маецца на ўвазе планамерная падтрымка айчынных творцаў, якую краіна аказвае ім не толькі рублём — згадайма хаця б слынныя “75%”. На балансе дзяржаўных устаноў культуры ёсць інстытуцыі пад назвай “прадзюсерскі цэнтр” — яны створаны пры рэгіянальных філармоніях. Але, як адзначыў начальнік упраўлення мастацтваў Міністэрства культуры Рэспублікі Беларусь Міхаіл КАЗЛОВІЧ, функцыя такіх цэнтраў усё ж трохі іншая, як у прыватных прадзюсераў:
Далей
“Кепска, калі барада ў “Барабаса” — прыклееная...”
Гэтая рэдакцыйная планёрка атрымалася незвычайнай. Як толькі адзін з журналістаў “К” прапанаваў у якасці тэмы для наступнага свайго матэрыялу развіццё на Беларусі інстытута прадзюсерства, рабочая, здавалася б, нарада вокамгненна пераўтварылася ў імправізаванае ток-шоу, на якім “жарсці па культуры” разгараліся куды мацней, чым у якой тэлеперадачы. Тэма, закранутая міністрам культуры Рэспублікі Беларусь Паўлам Латушкам у яго нядаўнім інтэрв’ю для нашай газеты “зачапіла” літаральна ўсіх. У самы разгар дыскусіі ў рэдакцыю патэлефанавала вядомы рэжысёр-дакументаліст, пастаноўшчык Надзея Гаркунова. Патэлефанавала яна зусім па іншай справе, але даведаўшыся пра тэму нашай гутаркі, адразу ў яе ўключылася. Ахвотна прапанавалі ёй слова. Без сумневу, “дыягностыку” прадзюсерства знутры могуць правесці менавіта творчыя людзі — тыя, хто наўпрост залежны ад гэтай з‘явы.
Далей
V.I.P.
“Са знакам” Цэслера і... цесляра
У межах IV Міжнароднага фестывалю тэатральнага мастацтва “Панарама” адбылася сустрэча з Уладзімірам Цэслерам — мастаком і дызайнерам, майстрам плаката, “бацькам беларускай багемы”, як назваў яго мастацкі кіраўнік Купалаўскага тэатра Мікалай Пінігін. Падставай для такога, здавалася б, нечаканага павароту “ад тэатра да плаката” сталася тое, што менавіта У.Цэслеру належыць эмблема сёлетняга фестывалю — вешалка з калонамі.
Далей
Падарункі ад музея
Тыдзень з 9 па 16 кастрычніка быў багаты на цікавыя падзеі ў Нацыянальным мастацкім музеі Рэспублікі Беларусь. Установа пачала адзначаць 70-годдзе з дня свайго заснавання, і цягам усяго месяца па пятніцах яна будзе працаваць да 21 гадзіны вечара. Гэта дасць магчымасць наведаць залы музея тым, хто не мог гэтага зрабіць з-за працы. А ў Дзень Маці, 14 кастрычніка, матулі разам са сваімі дзецьмі мелі магчымасць прайсці ў выставачныя залы бясплатна.
Далей
Рыцар тэатра
Пайшоў з жыцця цудоўны чалавек, таленавіты празаік, перакладчык, журналіст і тэатральны крытык — Барыс Іванавіч БУР’ЯН. Думаецца, у тэатральнай суполцы няма нікога, хто хоць раз не сустракаўся б з ім у працы ці проста ў задушэўнай размове. А многія артысты лічылі яго сваім “бацькам”, таму што ніхто, як ён, у мінулым — акцёр, служыўшы Мельпамене ў тэатрах Разані і Кінешмы, не ведаў так добра тэатральнае закуліссе. Усё жыццё Барыс Іванавіч па-бацькоўску апякаў, дапамагаў парадай і справай любому, хто звяртаўся да яго па дапамогу, — ці то акцёрупачаткоўцу, ці то спакушанаму крытыку.
Далей
Гістарыёграф
Зеўс з нашага Эрыдана
Адзін з самых яркіх перыядаў айчыннай гісторыізвязаны з часам Адраджэння — дзейнасцю нашых славутых і ўсім вядомых асветнікаў, пісьменнікаў, грамадскіх дзеячаў XVI стагоддзя. На гэтым гістарычным этапе на культурнае жыццё Вялікага княства Літоўскага вялікі ўплыў аказвалі італьянскія цэнтры адукацыі, мастацтва і непасрэдна самі дзеячы Рэнесанса. Як сведчаць гісторыкі, істотна паўплываў на пералічаныя працэсы заключаны ў 1518 г. шлюб паміж дачкой міланскага герцага Бонай Сфорцай і вялікім князем літоўскім Жыгімонтам І. Дзякуючы гэтаму, у нашу краіну трапіў шэраг прадстаўнікоў тамтэйшай арыстакратыі, у тым ліку паэты, мастакі, скульптары, архітэктары. Прывезла славутая італьянка з сабой і выдатную калекцыю жывапісу, кнігі. Так, у віленскім Ніжнім замку былі створаны першая ў Вялікім княстве Літоўскім карцінная галерэя, а таксама буйная бібліятэка. Не выпадкова шэраг мерапрыемстваў культурнага праекта “Італьянскае Адраджэнне ў Беларусі”, што гэтымі днямі праходзіць у нашай краіне па ініцыятыве Пасольства Італіі ў Беларусі, чакае Нацыянальная бібліятэка. Менавіта там неўзабаве адкрыецца выстаўка “Італьянскія кнігі на беларускіх землях часоў Боны Сфорцы”, прысвечаная выданням XVI ст., надрукаваным у Італіі. Яны ў свой час захоўваліся ў прыватных і царкоўных бібліятэках Беларусі. А напрыканцы кастрычніка ў Нацыянальнай бібліятэцы адбудзецца таксама і Міжнародная канферэнцыя, дзе гісторыкі, мастацтвазнаўцы, літаратуразнаўцы, архітэктары будуць абмяркоўваць уплыў італьянскага Адраджэння на развіццё беларускай культуры. Шмат цікавых звестак пра даўнія культурныя сувязі Беларусі і Італіі становіцца вядома і дзякуючы археалагічным даследаванням. Адно з такіх было колісь зроблена кандыдатам гістарычных навук Леанідам Калядзінскім...
Далей
Хто падасць сігнал з Сігнала?
Язэпа Драздовіча сёння многія ведаюць па жывапісных палотнах, частка з якіх дэманструецца ў Нацыянальным мастацкім музеі Рэспублікі Беларусь. Некаторыя ведаюць яго і як стваральніка чароўных маляваных дываноў. І толькі адзінкі здагадваюцца пра навуковыя здабыткі творцы, які нарадзіўся 121 год таму, “у пятніцу на Пакровы”. А тым часам з’яўляюцца новыя даследаванні унікальнай спадчыны Язэпа Драздовіча.
Далей
Юбілей. ... І новыя сенсацыі
У чацвер і пятніцу Вялікая канферэнц-зала Прэзідыума Нацыянальнай акадэміі навук Беларусі сабрала прадстаўнічы Міжнародны кангрэс гісторыкаў “Гістарычная навука на пераломе эпох: дыялог з часам”. Падзея прымеркавана да 80-годдзя профільнага інстытута.
Далей
Авансцэна
Фестываль з параднымі калонамі
У Мінску завяршыўся IV Міжнародны музычны фестываль Юрыя Башмета. У яго межах пры падтрымцы Міжнароднага фонду гуманітарнага супрацоўніцтва дзяржаў — удзельніц СНД адбылася Маладзёжная музычная акадэмія краін СНД, якая стала квінтэсенцыяй свята.
Далей
“Панарама”.by
Масіраваным тэатральным тыднем, пад час якога прыхільнікам сцэнічнага мастацтва было прапанавана пазнаёміцца з пастаноўкамі амаль усіх сталічных тэатраў, распачаўся IV Міжнародны фестываль “Панарама”. У рамках беларускай праграмы гледачы і госці фестывалю змаглі паглядзець спектаклі, што на сённяшні дзень даюць уяўленне пра аблічча і кола інтарэсаў мінскіх калектываў. Пры гэтым, у афішу ўвайшлі не толькі работы дзяржаўных драматычных тэатраў, але і шэраг цікавых ініцыятыў, якія часам прынята лічыць “нефарматнымі”, хаця кожная з іх існуе ў сваёй стылістыцы і дакладна акрэсленым коле тэатральных інтарэсаў.
Далей
Подзвігу народа жыць у вяках!
РАВЕСНІК ВЫЗВАЛЕННЯ
22 кастрычніка Беларускі дзяржаўны музей гісторыі Вялікай Айчыннай вайны адсвяткуе сваё 65-годдзе. Першыя яго наведвальнікі былі непасрэднымі ўдзельнікамі баёў за вызваленне Беларусі. Сёння яны прыводзяць туды сваіх унукаў і нават праўнукаў. За 65 гадоў гісторыі ўстановы ў яе залах пабывалі чатыры пакаленні беларусаў. Музей стаў для іх свайго кшталту мостам, які злучае мінулае і будучыню, дазваляючы перажыць тыя падзеі, што, на шчасце, ужо сталі гісторыяй.
Далей
погляд з ХХІ стагоддзя
Бяспройгрышная “Латарэя”: што выйграў Манюшка?
14 кастрычніка ў Малой зале імя Р.Шырмы Беларускай дзяржаўнай філармоніі ў межах XVIII фестывалю “Адраджэнне беларускай капэлы” адбылася прэм’ера аднаактовай камічнай оперы С.Манюшкі “Латарэя”, прымеркаваная да 190-годдзя з дня нараджэння кампазітара. Падзея сабрала сапраўдны бамонд. Прыехала на прэм’еру і Клара Манюшка — прапраўнучка кампазітара, вядомая піяністка, старшыня французскай Асацыяцыі, што носіць яго імя.
Далей
“Першыя “Дарогі...” — у Беларусі”
Пасля спектакля адбылася размова нашага карэспандэнта з пачэснай госцяй прэм’еры — Кларай МАНЮШКА.
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |