Свежы нумар
Мастыхін
Вобразы эпохі
Яўген Зайцаў... Народны мастак БССР, член-карэспандэнт Акадэміі мастацтваў СССР. Выдатны жывапісец, які быў таленавітым ва ўсіх жанрах: фігуратыўнай, у асноўным гістарычнай, карціны, партрэта, пейзажа, нацюрморта...
Далей
Гомельшчыне ёсць чым ганарыцца
У Светлагорскай карціннай галерэі “Традыцыя” імя Германа Пранішнікава адкрылася экспазіцыя твораў мастакоў Гомельшчыны, прымеркаваная да 70-годдзя Гомельскай вобласці.
Далей
Яе героі — людзі і прырода
“Я да гэтага часу ўдзячна лёсу за тое, што з першых дзён свядомага жыцця была сярод цудоўнай беларускай прыроды, сярод простых людзей. Напэўна, яны і абудзілі ўва мне мастака”.
Далей
"К" інфармуе
Вобласці святкуюць юбілей
У дзвюх трацін Беларусі — юбілей. Па 70 гадоў Віцебскай, Гомельскай, Магілёўскай і Мінскай абласцям. Але святкуе ўся краіна. Справа натуральная, і кожны з рэгіёнаў — не ад’емны складнік і нашай зямлі, і нашай культуры. Насельнікі абласцей-юбілярак розняцца па гаворках і фальклоры, па строях і характарах, але знітоўваюць іх у адно радзіна і Радзіма, крэўнасць і спадчына. Так шматгалоссе ператвараецца ў сугучны і магутны спеў. І лунае над краем песня еднасці. А за святочным сталом — сёстры-юбіляркі.
Далей
Прызнанне Радзімы
14 студзеня Прэзідэнт Рэспублікі Беларусь Аляксандр Лукашэнка правёў цырымонію ўручэння дзяржаўных узнагарод.
Далей
Сустрэчы пад стары Новы год у Варшаве
11 студзеня 2007 года ў Беларускай зале Пасольства Рэспублікі Беларусь у Рэспубліцы Польшча быў праведзены беларускі вечар “Сяброўская сустрэча пад стары Новы год”, на якім прысутнічалі паслы Арменіі, Малдовы, Казахстана, Украіны, прадстаўнік Пасольства Аўстрыі, дырэктар Дэпартамента Усходняй палітыкі Міністэрства замежных спраў Польшчы Яцэк Браткевіч, дэпутат Сейма Польшчы Яўген Чыквін, былы Пасол Польшчы ў Беларусі Тадэвуш Паўляк, кіраўнікі арганізацый і прадстаўнікі беларускай дыяспары ў Варшаве, польскіх грамадскіх арганізацый, прадстаўнікі Польскай аўтакефальнай Праваслаўнай Царквы, супрацоўнікі Пасольства, прадстаўнікі СМІ Польшчы, здымачная група Белтэлерадыёкампаніі — усяго звыш 80 чалавек.
Далей
Форум: гаворым пра актуальнае!
Хто паедзе ў Бялград?
21 студзеня ў прамым эфіры Першага канала і тэлеканала “Беларусь-TV” стане вядома імя прадстаўніка Рэспублікі Беларусь на Міжнародным конкурсе песні “Еўрабачанне-2008”. Трансляцыя фіналу Нацыянальнага тэлевізійнага музычнага праекта “Еўра-Фэст” пачнецца ў 21.45.
Далей
Скульптару прысвячаецца
Нацыянальны банк Рэспублікі Беларусь 15 студзеня 2008 г. увёў у абарачэнне памятныя манеты “З.Азгур. 1908 — 1995”, прысвечаныя 100-годдзю з дня нараджэння мастака.
Далей
Напярэдадні выстаўкі “Кнігі Беларусі-2008”
17 студзеня ў Грамадскім прэс-цэнтры Дома прэсы адбылася прэс-канферэнцыя на тэму: “Аб развіцці грамадскага кнігавыдавецтва ў рэспубліцы: лепшая прадукцыя беларускіх выдаўцоў паводле вынікаў леташняга года”.
Далей
Праекты развіцця: культура рэгіёнаў Соцыум
Выключайце за сабой святло, або Усенавуч эканамічнай бяспекі
У дагледжанай як след установе культуры, дзе свяцільні энергазберагальныя, дзе шклопакеты на вокнах, — і выдаткі на ацяпленне меншыя. Скразнякі саступаюць утульнасці — камфортна работнікам і наведвальнікам. Значыць, не пустуюць клуб, бібліятэка, музей, тэатр. Грошы, асвоеныя на рамонт і мадэрнізацыю, абарочваюцца стабільным прыбыткам ад рэалізацыі платных паслуг. Нескладаная прычынна-выніковая схема, па якой сфера беларускай культуры вучыцца гаспадарыць. Вынікі гэтага ўсенавуча, дзе асноўнымі дысцыплінамі — эканомія і ашчаднасць, наўпрост уплываюць на эканамічную бяспеку і галіны, і дзяржавы. Менавіта пра ўдзел Міністэрства культуры РБ у выкананні Дырэктывы № 3 “Эканомія і беражлівасць — галоўныя фактары эканамічнай бяспекі дзяржавы” і ішла гаворка на прэс-канферэнцыі, што адбылася 10 студзеня ў Нацыянальным прэс-цэнтры.
Далей
Фігуратыўная карціна ў заняпадзе? Так, але...
У канферэнц-зале Рэспубліканскай мастацкай галерэі “Палац мастацтва” адбылася навукова-практычная канферэнцыя “Сюжэтна-тэматычны твор. Яго лёс і сучасны
стан у выяўленчым мастацтве”. Арганізатарамі мерапрыемства выступілі Міністэрства культуры Рэспублікі Беларусь і Беларускі саюз мастакоў, ягоная секцыя мастацтвазнаўства і крытыкі. Канферэнцыя была прысвечана пытанням развіцця вызначальных для беларускага мастацтва ў ХХ ст. накірункаў, актуальнасці творчых пошукаў айчынных майстроў.
Далей
Камертон
Школьная опера ў ... лесе
У выкананні Дзіцячага тэатра “Казка” пад кіраўніцтвам Глеба Аляксандрава на сцэне
Беларускай дзяржаўнай філармоніі адбылася прэм’ера дзіцячай оперы Віктара Войціка “Лясная школа, ці Сон першакласніцы” паводле лібрэта Валянціны Лучанок.
Далей
Соцыум: праблемны аспект культуры
Гэта — прыемна, гэта — на нашу карысць
“Гэта вялікая страта для Францыі — быць мала знаёмай з творчасцю такога кампазітара, як Андрэй Мдзівані”, — такімі словамі пачаў адзін з канцэртаў Міжнароднага маладзёжнага сімфанічнага аркестра яго галоўны дырыжор, дырэктар Ліможскай рэгіянальнай кансерваторыі Ален Воэрпі. І сапраўды. Калі за дзве з паловай тысячы кіламетраў ад Беларусі пад скляпеннямі старажытнага храма, напоўненага багацейшай гісторыяй Францыі, адной з самых прыцягальных і прыгожых краін свету, загучала музыка І часткі 6-й Сімфоніі нашага таленавітага зямляка; калі адзін за адным пачалі паўставаць славутыя абліччы-постаці нашай беларускай зямлі, увасобленыя кампазітарам у яскравых музычных вобразах; калі твары дасведчанай заходняй публікі літаральна засвяціліся ад прыгажосці і ўзнёсласці музыкі, прысвечанай цудоўнай тэме Еўфрасінні Полацкай, — мяне ахапілі супярэчлівыя пачуцці. З аднаго боку — вялікі гонар за Беларусь, за нашу дзяржаву, за беларусаў. Маўляў, ведай нашых! А з другога — пачуццё крыўды, бо, на жаль, якраз не надта тут і ведаюць нашых.
Далей
V.I.P.
Таццяна БАНДАРЧУК: “Ісці, спатыкацца, уставаць і не здавацца”
Беларускі дзяржаўны цырк сёння папулярны не толькі сярод сталічных жыхароў. Шматмільённая аўдыторыя АНТ па ўсёй Беларусі з захапленнем назірала за дзеямі, якія адбываліся на арэне рэаліці-шоу “Зорны цырк”. Жыхары і госці сталіцы ствараюць аншлагі на кожным прадстаўленні і забяспечваюць наведвальнасць у шэсць тысяч чалавек штодня. На ўнутрыпрафесійнай глебе Белдзяржцырк таксама застаецца фаварытам: цяпер не кожны цыркавы гастралёр можа выступіць на сталічнай арэне — ён павінен адпавядаць яе высокаму статусу. А калі ж нашы артысты самі выязджаюць на гастролі ці цыркавыя фестывалі, дык не вяртаюцца без узнагарод. Напрыклад, летась ІІІ месца на Сусветным фестывалі-конкурсе цыркавога мастацтва ў Маскве на Паклоннай гары занялі акрабаты, маладыя дрэсіроўшчыкі прывезлі “бронзу” з Усерасійскага фестывалю цыркавога мастацтва, а І месца цырк атрымаў на прэстыжным фестывалі CHIGAY Asias Grandest Street & Floats Parade ў Сінгапуры, прыз за якое ўручаў сам прэзідэнт гэтай краіны… За ўсімі гэтымі дасягненнямі стаіць працалюбівая і таленавітая Таццяна БАНДАРЧУК, у мінулым выдатная цыркавая артыстка, а сёння — мастацкі кіраўнік і дырэктар цырка.
Далей
На людным месцы
Маляўнічы карагод
У чэрвені ў Гродне адбудзецца VII Усебеларускі фестываль нацыянальных культур. А напрыканцы мінулага года прайшоў VII фестываль нацыянальных культур Міншчыны.
Маляўнічыя вобразы ў назвах мастацкіх калектываў — удзельнікаў VII Абласнога фестывалю нацыянальных культур Міншчыны — уяўляюцца мне адным з сімвалаў гэтага форуму яднання. Фестываль быў багаты на таленты. Але перш чым распавесці пра яго, падзялюся яшчэ адным уражаннем: я была ў захапленні ад самой арганізацыі гэтага мерапрыемства.
Далей
Prof-партфоліа:досвед прафесіяналаў у культуры
“З чаго пачынаецца Радзіма”
Малая радзіма ў кожнага свая. Але, калі ёсць у чалавека моцнае да яе пачуццё, дык гэта заўважаць і на адлегласці.
Удалым аказаўся для юных лідчан удзел у адкрытым конкурсе дзіцячага малюнка
“Мой горад, мой раён”, які праводзілі ўлады ўнутрыгарадскога муніцыпальнага ўтварэння Масквы Паўночнае Ізмайлава. Запрашалі да ўдзелу ў гэтым конкурсе найперш адораных дзяцей з рэгіёнаў, з якімі Паўночнае Ізмайлава мае эканамічныя і культурныя сувязі. Геаграфія яго была досыць шырокай. Апроч Расіі і Беларусі, якую на гэтым мерапрыемстве прадстаўляла творчая дэлегацыя з чатырох навучэнцаў Лідскай дзіцячай школы мастацтваў і столькі ж — з сярэдняй школы № 14 з архітэктурным ухілам, удзел у конкурсе ўзялі юныя мастакі з Польшчы, Чэхіі, Нідэрландаў і Індыі. Творчае спаборніцтва праводзілася ў дзвюх намінацыях — “З чаго пачынаецца Радзіма” і “Мая сям’я — маё багацце”.
Далей
Гістарыёграф
Срэбра і золата, якім цаны няма
“Краіна скарбаў” — гэткае вызначэнне для Беларусі само прыйшло на думку пасля агляду новай выстаўкі “З крыніц адвечнай прыгажосці”, якая адкрылася ў Нацыянальным музеі гісторыі і культуры.
Далей
“Сей Образъ Сооружіл...”
Традыцыя пісання абразоў на Піншчыне — унікальная. Яна перажыла неспрыяльныя для рэлігійнага мастацтва часіны і захавала свае лепшыя і адметныя рысы, угрунтаваныя на візантыйскай школе іканапісу.
Далей
ART-блог: беларускае мастацтва Прызнанне
І Слова было ў Бога, і Слова было Бог...
Напрыканцы мінулага года прэмія “За духоўнае адраджэнне” была прысуджана архіепіскапу Віцебскаму і Аршанскаму Дзімітрыю (Мікалаю Рыгоравічу ДРАЗДОВУ) — кіраўніку мясцовага рэлігійнага аб’яднання “Віцебская епархія Беларускай Праваслаўнай Царквы”.
На пытанні “К” святар адказаў напярэдадні аднаго з вялікіх праваслаўных свят — Вадохрышча.
Далей
Пачынальнікі
Бабруйская “прапіска” Вінцэнта Дуніна-Марцінкевіча
Няшмат захавалася архіўных звестак пра жыццё слыннага беларускага літаратара, драматурга, пачынальніка беларускага тэатра Вінцэнта Іванавіча Дуніна-Марцінкевіча, звязаных з Бабруйскам. Найперш — гэта Вінцэнтава хросная метрыка ад 23 студзеня 1808 года з кнігі “Копій метрык Бабруйскага касцёла”. Дарэчы, у гонар яго хрышчэння ў Бабруйскім касцёле тут была ўсталявана дошка, урачыстае адкрыццё якой адбудзецца неўзабаве, 3 лютага. Мяркуецца, што ўдзел у яе адкрыцці прымуць мясцовыя вернікі, інтэлігенцыя горада, а таксама архіепіскап Мінска-Магілёўскай архідыяцэзіі мітрапаліт Тадэуш Кандрусевіч.
Другі дакумент — “Список дворянский 1816 г., августа 19 дня Минской губернии Бобруйского повета живущих в застенке Сухотном Панюшкевичах Марциянны Марцинкевичевой и малолетних детей”, дзе ўзгадваецца дзевяцігадовы Вікенцій. І яшчэ адна архіўная звестка гаворыць пра тое, што “…малолетний Викентий в 1819 г. отправлен матерью его из Панюшкевич в г. Санкт-Петербург на попечение римско-католических церквей бискупа Сестранцевича…” Няшмат звестак, але і гэтага дастаткова, каб ганарыцца тым, што такая адметная асоба нарадзілася на Бабруйшчыне.
Далей
Культпрасветработа
Лазерны прамень у Касцюковіцкім небе
Як вядома, сустракаюць па апратцы. Першыя ўражанні ад знаёмства з культурным жыццём Касцюковічаў, якія сёлета адсвяткуюць свой 500-гадовы юбілей, толькі станоўчыя, нават калі ты пакуль не ведаеш, бруіцца гэтае жыццё альбо віруе. Культурныя ўстановы гарадка позірк прыкмячае адразу — яны вылучаюцца ў яго ландшафце сваёй, бадай, дасканалай дагледжанасцю і прыгожым выглядам. Не тое што кантрастуюць, а менавіта — вылучаюцца.
Зрэшты, па вонкавых адзнаках меркаваць не надта мудра. Што ж тоіцца за гэтымі дбайна атынкаванымі фасадамі? І чаму начальнік упраўлення культуры Магілёўскага аблвыканкама Анатоль Сінкавец заўсёды апавядае пра гэты раён з непрыхаваным гонарам і пашанай?
Урэшце, як патлумачыць той факт, што апошнім часам ён нязменна займае першыя месцы ў галіне культуры па Магілёўскай вобласці, якая зусім нядаўна адсвяткавала сваё 70-годдзе?
Здавалася б, ніякіх аб’ектыўных прычын такога росквіту, бадай, і не знойдзеш. Больш аддалены ад сталіцы райцэнтр варта яшчэ пашукаць — каб патрапіць туды з Мінска, трэба пераадолець не меней за тры з паловай сотні кіламетраў. Пра стварэнне ў Касцюковічах у XVIII стагоддзі опернага тэатра або іншую такога кшталту гістарычную падзею звестак не захавалася. А калі дадаць, што гэты край моцна пацярпеў падчас Чарнобыльскай навалы…
Але ўсё ж сімвалам культуры Касцюкоўшчыны зусім не выпадае лічыць дыназаўра — хаця ён у яе палітры таксама прысутнічае (пра гэта ніжэй). Сумны лёс дагістарычных істот дакладна яе не спасцігне. Бо ўсе згаданыя вышэй размаітыя фактары — як і мноства іншых — блякнуць перад самым істотным: чалавечым.
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |