Свежы нумар
Мастыхін
Мсціслаў Дабужынскі. “Старая Літва”.
Пад такой назвай у Нацыянальным мастацкім музеі РБ працуе выстаўка жывапісу і графікі вядомага ў свеце мастака Мсціслава Валер’янавіча Дабужынскага і некалькіх твораў народнага дэкаратыўна-прыкладнога мастацтва з фондаў Літоўскага мастацкага музея (г. Вільнюс) і каўнаскага Нацыянальнага мастацкага музея імя М.К. Чурлёніса.
Далей
Пераможныя крокі маладосці
З высокага дрэва з цікавасцю паглядае на гледачоў падлетак у джынсах, красоўках... ды з крыламі за спіной — менавіта так выглядае сучасны “Анёл” на думку мінчанкі Ліны Філіповіч. Побач — фальклорны дзядок віцябчанкі Кацярыны Варанцовай спявае “Восеньскую калыханку для бусліка”, дабрадушнае парасё цягне мяхі з млына ў керамічным “Казачным горадзе” Аляксандры Яромінай з Горак, ды расплываюцца, бы зімовыя ўзоры на вокнах, марозна-пунсовыя гуашавыя “Архідэі” случанкі Алены Левановіч.
Далей
"К" інфармуе
З СЯБРАМІ Ў РАТЭРДАМЕ
1 снежня беларуская дэлегацыя на чале з намеснікам старшыні Белтэлерадыёкампаніі Юрыем Азаронкам адправілася ў Ратэрдам (Нідэрланды), дзе 8 снежня адбудзецца Міжнародны дзіцячы конкурс песні “Еўрабачанне-2007”. Беларусь на конкурсе прадставіць Аляксей Жыгалковіч.
Далей
З’езд мастакоў вырашыў...
28 лістапада адбыўся чарговы, ХІХ з’езд мастакоў Беларусі. У адпаведнасці з парадкам дня прагучалі справаздачныя даклады старшыні БСМ Уладзіміра Басалыгі і старшыні Рэвізійнай камісіі Святаслава Федарэнкі аб рабоце творчага саюза за тры папярэднія гады.
Далей
Музыка як радасць
29 лістапада Беларуская дзяржаўная філармонія адзначыла сваё 70-годдзе. Урачыстасць з гэтай нагоды стала адметнай культурнай падзеяй, бо канцэртная праграма сімвалічна паяднала многія напрамкі дзейнасці гэтай канцэртнай установы.
Далей
Беларусь — у Венесуэле
7 снежня ў Баліварыянскай Рэспубліцы Венесуэла адкрываецца Нацыянальная выстаўка прамысловых і сельскагаспадарчых дасягненняў Рэспублікі Беларусь. Натуральна, усебакова будзе прадстаўлена за мяжой і наша самабытнае мастацтва. Беларуская творчая дэлегацыя на чале з першым намеснікам міністра культуры РБ У.Рылаткам у складзе 110 чалавек адпраўляецца ў Каракас ужо ў гэтую нядзелю.
Далей
Форум: гаворым пра актуальнае!
Што нам рыхтуе снежань?
27 лістапада Нацыянальны прэс-цэнтр правёў традыцыйную штомесячную прэс-канферэнцыю “Аб асноўных мерапрыемствах Міністэрства культуры Рэспублікі Беларусь, што прайшлі ў лістападзе 2007 года, і планах на снежань 2007 года”.
Далей
Хочаш жыць багата, дык скараці затраты
Як мы паведамлялі ў мінулым нумары “К”, 22 лістапада адбылося пасяджэнне калегіі Міністэрства культуры РБ пад старшынствам міністра культуры РБ Уладзіміра Матвейчука. Асноўныя пытанні, якія разглядаліся на калегіі, — рэалізацыя Дырэктывы Прэзідэнта Рэспублікі Беларусь ад 14 ліпеня 2007 г. № 3 “Эканомія і беражлівасць — галоўныя фактары эканамічнай бяспекі дзяржавы”, а таксама праца ўпраўленняў культуры аблвыканкамаў і Мінскага гарвыканкама па ахове матэрыяльных гісторыка-культурных каштоўнасцей.
Далей
Кіно і тэатр
VIVAT МЕЛЬПАМЕНА!
Апошні восеньскі дзень — 30 лістапада — падарыў усім сталічным аматарам тэатра цёплы вечар — Нацыянальны акадэмічны драматычны тэатр імя Максіма Горкага адзначыў сваё 75-годдзе. Юбілей, што і казаць, немалы, узрост паважны, пашанотны, а значыць, і віншаванні былі шчырыя і несціханыя — на адрас творцаў, якія сваёй таленавітай і адданай працай складаюць гонар Рускага тэатра на Беларусі і гонар нацыянальнага тэатральнага мастацтва ўвогуле.
Далей
Праекты развіцця: культура рэгіёнаў V.I.P.
Радзівон БАС: “Калі прыходзіць “Славянскі базар”, прачынаюцца ўсе музы Віцебска”
Радзівону Міхайлавічу БАСУ 29 лістапада споўнілася 55 гадоў. Для Віцебска, дый і для ўсёй культурнай прасторы рэспублікі, гэта не толькі факт яго асабістай біяграфіі, але і два вышэйшыя балы (дзве “пяцёркі”) за яго адданасць любімай справе, міжнароднаму форуму мастацтваў, любімаму гораду, у якім ён нарадзіўся і жыве, і культуры ўвогуле, якую ён любіць, адчувае і з’яўляецца яе неад’емнай часткай.
Нязменны дырэктар Міжнароднага фестывалю мастацтваў “Славянскі базар у Віцебску”, дырэктар Дзяржаўнай установы “Цэнтр культуры “Віцебск”, заслужаны дзеяч культуры Рэспублікі Беларусь...
Гэты спіс можна доўжыць. Акрамя таго, Радзівон Міхайлавіч — любячы муж, бацька і сын.
Далей
Ёсць пытанне !
Сядзібы Клеччыны: “дэкаданс” рыфмуецца з “рэнесансам”…
Турыстаў на Клеччыне сёння сустрэнеш нячаста. Што і нядзіўна, бо арганізаваныя вандроўкі па гэтых мясцінах тураператары пакуль не прапаноўваюць.
Хаця, здавалася б… Пабываўшы ў Нясвіжы, сёй-той з экскурсантаў цалкам мог бы прадоўжыць падарожжа — на Клеччыну. Балазе, адлегласць паміж турыстычнай Мекай Беларусі і Клецкам — усяго якіх семнаццаць кіламетраў. Ды і лагічны ланцужок у гэтым маршруце вымалёўваецца сам сабою: па наведванні “родавага гнязда” Радзівілаў чаму б не завітаць і на іх “лецішча”? А заадно агледзець і ўсе іншыя вартыя ўвагі мясціны гэтай зямлі.
Ды рэальнасць такая, што летняя рэзідэнцыя знакамітага роду ў Радзівілімонтах можа зацікавіць адно няўрымслівых аматараў дэкадансу. Прынамсі, на цяперашні момант...
Далей
Гістарыёграф
“Бітва” на Беразіне, у якой перамагло сяброўства
У апошнія дні лістапада 1812 г. непераможная калісьці армія Напалеона Банапарта адступала з беларускіх земляў. Французскіх салдат падганялі холад, голад і страх перад рускімі войскамі, якія пераследавалі іх па пятах. Але шлях больш чым 50-ці тысячам інтэрвентаў перасякла рака Беразіна.
400 пантаньераў генерала Эрбле, стоячы ў ледзяной вадзе, паспешна будавалі два масты, пакуль іх таварышы адбівалі атакі корпусаў генералаў Чычагава і Вітгенштэйна. Смелы націск рускіх сутыкнуўся з адчайнай мужнасцю французаў. 40 тысяч чалавек палягло каля той пераправы на левым беразе Беразіны. Для Напалеона гэта была адна з самых стратных бітваў...
Далей
Соцыум: праблемны аспект культуры
“Надрукавана ў Вільні…”
19 лістапада ў Цэнтральнай навуковай бібліятэцы імя Якуба Коласа НАН Беларусі адбылася прэзентацыя выстаўкі “Выданні Віленскіх друкарняў XVI — першай чвэрці XX стст.”. У зале на першым паверсе былі прадстаўлены рарытэтныя кнігі з фондаў аддзела рэдкіх кніг і рукапісаў ЦНБ НАН Беларусі і Бібліятэкі Літоўскай акадэміі навук, якія падтрымліваюць даўнія навуковыя і сяброўскія сувязі.
Далей
"Круглы стол"
Адзін у полі не воін
Кінематограф, які і любы іншы від мастацтва, — гэта не адно выдача шэдэўраў “на-гара”, а складаная, карпатлівая праца, добра арганізаваная і зладжаная дзейнасць цэлага калектыву спецыялістаў. Сёння, ва ўмовах дынамічнага развіцця тэхнічных і тэхналагічных магчымасцей, змен сацыяльна-эканамічных рэалій, працэс кінавытворчасці перажывае значныя трансфармацыі, значэнне і наступствы якіх можна будзе ў поўнай ступені ацаніць толькі праз пэўны прамежак часу. Але кінематаграфісты — тыя, хто на пачатку ХХІ стагоддзя актыўна стварае эстэтычна-творчае “кінаполе”, не жадаюць у чаканні іх сядзець, склаўшы рукі. Так, сёння кінаіндустрыя здольна прыносіць немалыя грошы, але ж не хлебам адзіным жывуць творцы, і паказчык “сытасці” апошнім часам усё часцей саступае дарогу пошукам свайго месца ў творчай прасторы, той маральнай “звышзадачы”, з якой і ствараліся ва ўсе часы лепшыя кінафільмы.
Нагодай для таго, каб абмяняцца думкамі, яшчэ раз “зверыць сістэмы каардынат”, стаўся і Мінскі міжнародны кінафестываль “Лістапад”. Калі для гледачоў ён проста вялікае кінасвята, дык для кінематаграфістаў-прафесіяналаў — гэта і добрая магчымасць сабрацца і пагаварыць пра тое набалелае, што хвалюе кожнага з іх. Акурат з гэтай мэтай і сабраліся беларускія кінематаграфісты разам са сваімі калегамі з Расійскай Федэрацыі, а таксама краін былога Савецкага Саюза ў сталічным Доме кіно. Адкрыты і канструктыўны тон задаў размове Юрый Цвяткоў, які прапанаваў скіраваць гутарку не толькі на абмеркаванне ходу і вынікаў фестывалю, але і спецыфікі існавання кінематаграфістаў у сучасных сацыяльна-эканамічных умовах. Госці распавялі пра тую сітуацыю з кінавытворчасцю, што склалася ў іх краінах. І высветлілася, што многія “лакальныя” праблемы і клопаты выходзяць за рамкі міждзяржаўных межаў і ўласцівы сучаснаму кінапрацэсу наогул. І пераадоленне іх неабходна для таго, каб кінематограф мог вынайсці якасна новы ўзровень.
Далей
Фестывалі
Кінапрызы планеты “Лістапад”
Наўрад ці варта яшчэ раз казаць пра тое, што Мінскі міжнародны кінафестываль “Лістапад”, які толькі што прайшоў у беларускай сталіцы чатырнаццаты раз, стаўся буйным кінафорумам насамрэч сусветнага маштабу. 42 краіны-ўдзельніцы — гэта немалая лічба, але яшчэ больш уражвае той факт, што на працягу тыдня фестывальныя стужкі паглядзела больш як 20 тысяч гледачоў! І гэта толькі ў сталіцы, а сёлета ж “Лістапад” абыйшоў літаральна ўсе вобласці нашай рэспублікі. Кожны ахвотны мог знайсці для сябе “кінапрадукт” на свой густ: ад навінак сусветнага кінематографа да рэтраспектыўных фільмаў — “залатога запасу” савецкага кіно, ад дакументалістыкі да анімацыі, мастацкіх стужак на розныя ўзросты...
Далей
Prof-партфоліа:досвед прафесіяналаў у культуры Культпрасветработа
“Не хвалюйцеся! Кватэра ўжо чакае…”
У Ганцавіцкім раёне пад Новы год — наваселлі, вяселлі, мноства шчырасці і цеплыні.
Далей
Па законах дабрыні
Ты такі слаўны!
Адзінаццацігадовая Вераніка Цімашэнка з імпэтам малюе тое, што бачыць вакол: людзей, эстрадных зорак, персанажаў рэкламных ролікаў. У дзяўчынкі проста фатаграфічная памяць: напрыклад, пасля наведвання спектакля Віцебскага абласнога тэатра “Лялька” з’явілася серыя партрэтаў усіх дзейных асоб! Шкада, что яна не зможа пачуць хвалебных прамоў у свой гонар, бо выхаванка Багушэўскага дома-інтэрната для дзяцей з асаблівасцямі псіхафізічнага развіцця ад нараджэння глуханямая. Можа, таму і многія героі Веранічыных карцін валодаюць вялізнымі крыламі: з іх дапамогай так проста ўзняцца над хваробай. Ад яе сабрата па няшчасці Алега Валушкі адмовіліся ў раддоме, як толькі высветлілася, што у хлопчыка замест ручак і ножак — куксы. Пабачыла б тая мама зараз, як дзевяцігадовае сонечнае хлапчанё малюе акварэллю! Ён старанна выводзіць роўныя, нібы пад лінейку, рознакаляровыя лініі, складаючы іх у неабдымныя снежныя палі і ўтульныя вясковыя хаты з клубамі дыму над комінам…
Далей
Не шкадаваць, а любіць...
Васілішкаўскі дом-інтэрнат для дзяцей з асаблівасцямі псіхафізічнага развіцця, — тут усе вітаюцца, нават з незнаёмымі. Калі табе насустрач рушыць чарада дзетак, дык літаральна кожнае з усмешкай вымавіць: “Добры дзень!..” І такая ветласць — зусім не выпрацаваны выхаваннем рытуал. Бо адна з “асаблівасцей псіхафізічнага развіцця” гэтых дзяцей заключаецца менавіта ў тым, што яны не ўмеюць быць крывадушнымі. Таму калі ў дзяўчынкі, якую ты заспеў за прыбіраннем калідора інтэрната, сёння кепскі настрой, яна не будзе гэтага хаваць за “дзяжурнай” усмешкай. Дарэчы, ва ўсіх іншых дзетак, сустрэтых мною, настрой быў добры.
Далей
ART-блог: беларускае мастацтва Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |